Áıeldiń aıtýynsha, jas jigit qaladaǵy bank bólimsheleriniń birinde júrip, ózi oǵash qylyqtar jasaǵan. Ol ǵımaratqa kirip, shyǵyp júrgen. Osylaı birneshe ret jasaǵan. Oǵan bank kúzetshisi sáıkesinshe eskertý jasaǵan. Muny jaqtarmaǵan jas jigit qyzbalyqqa salynyp, sóz arasynda buzaqylyq pıǵylmen kúzetshini uryp, belgisiz jaqqa qaraı qashyp ketken.
Er azamattyń túr-sıpaty boıynsha ulandyqtar dereý izdeýge kirisedi. Araǵa ýaqyt salyp, áskerıler polısııa qyzmetkerlerimen birge sıpattamaǵa keletin buzaqyny qolǵa túsiredi.
- Biz kúdikti qashqan aýdandy tintý júrgize bastadyq. Izin sýytpaı sıpattama boıynsha keletin er azamatty taptyq. Ol bizdi kórgen boıda qashqysy kelgen, alaıda úlgermedi. Ony qolǵa túsire salysymen polısııa qyzmetkerlerine tapsyrdyq , - deıdi áskerı jasaq bastyǵy qatardaǵy Nursultan Ásken.
Tekseris barysynda kúdikti Reseı Federasııasynyń azamaty ekeni belgili boldy. Jaǵdaıdyń mán-jaıyn anyqtaý úshin jas jigit Eńbekshi aýdandyq ishki ister basqarmasy qyzmetkerlerine tapsyryldy.
