Irikteý syndarynyń birinshi aınalymyndaǵy oıynynda jerlesimiz reseılik Savrıan Danılovtan eki sette utty – 6:4, 6:4. 1 saǵat 33 mınýtqa sozylǵan kezdesý barysynda Nedovesov úsh ret eıs jasap, do berý barysynda bir qatelik jiberdi, úsh breık-poıntty júzege asyrdy. Negizgi kezeńge shyǵý úshin Aleksandr Nedovesov ózbekstandyq Sergeı Fomın men ýkraındyq Vladıslav Manafov arasyndaǵy matchtyń jeńimpazymen oınaıdy.
«Birinshiden, men úıge oralyp, kóptegen matchtarda tabysqa jetken kortta oınaǵanyma óte qýanyshtymyn. Búgingi oıyn ońaı bolǵan joq, qarsylas sońyna deıin berilgen joq. Áıtsede men jeńiske jetkenime óte qýanyshtymyn. Oıyn sapasyna ushaqtaǵy uzaq ýaqyt áser etti, keshe túnde ǵana elge oraldym, uıqym nashar boldy, sondyqtan oıyn sapasynan kútken áserim kóńilge qonymsyz edi. Biraq men kez kelgen jaǵdaıda aldyma maksımaldy mindet qoıamyn, jeńiske jetýge bolatynyn jáne ol maǵan oǵaı tımeıtinin jaqsy túsindim. Matchty eki setpen aıaqtaǵanyma qýanyshtymyn. Pandemııa jaǵdaıynda oıyndar bos alańda, jankúıersiz ótetini ókinishti, biraq qazirgi talap osyndaı, tennıs janyshyrlary týrnırdi úıde teledıdardan kórip, bizge qoldaý kórsetedi dep úmittenemin», - dedi Aleksandr.
