Tarıhı mańyzy bar eskertkishtiń resmı ashylýyna 22 aqpan kúni Túrkııa Uly Ulttyq Májilisiniń tóraǵasy Mustafa Shentop arnaıy qatysady. Osylaısha Halyqaralyq Túrki akademııasy men Altyndaǵ aýdany merııasy «Túrki tili jyly» men IýNESKO-nyń sheshimimen atap ótilgen Tonykók eskertkishiniń 1300 jyldyq mereıtoıyna arnalǵan mańyzdy bir is-sharaǵa uıytqy boldy. Osy is-shara aıasynda Altyndaǵdaǵy bir saıabaq «Túrki álemi: Tonykók saıabaǵy» dep atalatyn boldy.
Saıabaq ishinde VIII-ǵasyrda Mońǵolııadaǵy Orhon ózeniniń ańǵarynda ornatylǵan Tonykók eskertkishiniń kóshirmesi ornalasqan arnaıy alań salyndy.
Túrki áleminiń kórnekti memleket qaıratkerleriniń biri Tonykók abyzdyń esimi Altyndaǵdaǵy saıabaqqa berilgenine asa qýanyshty ekenin bildirgen Ankara qalasy Altyndaǵ aýdanynyń meri Asym Baljy: «О́tken jyldy IýNESKO «Bilge Tonykók jyly» dep jarııalaǵan edi. Biraq pandemııaǵa baılanysty josparlanǵan kóptegen jobalar aıaqtalmaı qaldy. Osy oraıda Altyndaǵ merııasy Halyqaralyq Túrki akademııasymen birlese jumys atqaryp, Tonykók eskertkishiniń kóshirmesi ornatylǵan eń kórnekti alańdy «Túrki álemi: Tonykók saıabaǵy» dep atadyq. Túrki álemine ortaq uıym Túrki akademııasynyń osyndaı jobalarǵa bastamashy bolǵanyna úlken rızashylyǵymyzdy bildiremiz», – dedi.
