«TOP-10» sportshynyń qatarynda Qazaqstannyń úsh birdeı óreni bar. Solardyń arasynda eń úzdik kórsetkish Artem Reznıkovqa tıesili. Jeńil salmaqtylardyń reıtınginde ol birinshi oryndy ıelenýde. Esterińizge sala keteıik, Shyǵys Qazaqstan oblysynyń týmasy osy kúnge deıin 28 márte aıqas alańyna shyǵyp, 22 básekeni óz paıdasyna sheshti. 17 kezdesýdi merzimnen buryn aıaqtady. Sońǵy ret Artem osydan tórt jyl buryn jeńildi edi. Sodan keıin qatarynan segiz jekpe-jekti óz paıdasyna sheship, kórermenderdiń qoshemetine bólendi. Al dál sol salmaq dárejesinde chempıondyq ataq Cheshenstannyń týmasy Abdýl-Azız Abdýlvahabovqa tıesili.
Qazaqstannyń ózge ókilderi jaıynda aıtar bolsaq, tarazdyq Evgenıı Egemberdıev úshinshi jáne almatylyq Asyljan Baqytjanuly besinshi oryndy ıelenýde. Olardyń ekeýi de jartylaı aýyr salmaqta kúsh synasýda.
