Jarystyń 1/8 fınalynda «Qaırat» óz alańynda Rýmynııanyń «Iýnaıted Galas» klýbyn qabyldap, 6:1 esebimen tas-talqanyn shyǵardy. Birinshi kezeńde almatylyq komanda sapynan Ranjel – 4, Savıo 12-mınýttarda mergendik tanytty. Ekinshi taım da tolyqtaı alań ıeleriniń basymdyǵymen ótti. 23-mınýtta Fernandıno, 29-mınýtta Edson esepti eselese, 34-mınýtta Shyńǵys Esenamanov tablodaǵy kórsetkishti 5:0-ge jetkizdi. Al 39-mınýtynda Birjan Orazov matchtyń núktesin qoıdy. Qarsylas komandadan jalǵyz goldy Andreı Krachon saldy.
Osylaısha «Qaırat» týrnırdiń shırek fınalyna joldama aldy. 1/8 fınalda óner kórsetken «Aqtóbe», ókinishke qaraı, Slovenııanyń «Doboves» klýbynan 1:2 esebimen jeńilip, jarys jolynan shyǵyp qaldy.
