Oblystyq polısııa departamenti baspasóz qyzmetiniń aqparatyna súıensek, 18 aqpanda saǵat 22:50 shamasynda 41 jastaǵy azamat zańdy nekedegi áıelin urǵanyn aıtyp, habar bergen.
«Osyǵan baılanysty ýchaskelik polısııa ınspektorlary tekserý júrgizdi. Tekserý kezinde atalǵan azamattyń polısııaǵa jalǵan habar bergeni belgili boldy. Narkologııalyq saraptamanyń qorytyndysymen atalǵan azamattyń orta dárejedegi mas ekeni anyqtaldy. Oǵan qatysty QR Ákimshilik quqyqbuzýshylyq týraly kodeksiniń 438-babynyń 1-bóligimen (Arnaýly qyzmetterdi kórineý jalǵan shaqyrý, memlekettik órtke qarsy qyzmet organdaryn, polısııany, medısınalyq jedel járdemdi, avarııalyq qyzmetterdi kórineý jalǵan shaqyrý) ákimshilik hattama toltyrylyp, 43 755 teńge kóleminde aıyppul salyndy», dep habarlady departamenttiń baspasóz qyzmetinen.
