Álbette, bul – ıslamda erteden kele jatqan Alla rızashylyǵy úshin jasalatyn súnnet amaldyń biri. El Táýelsizdiginiń 30 jyldyǵyna oraı QMDB-nyń bastamasy boıynsha kúre jol boıynda ornalasqan meshitterge sapardaǵy jamaǵatqa arnalǵan bólme ashyp, jabdyqtaý búginde musylman qaýymynyń kóńilinen shyqqan ońtaıly shara ekendigi aıtylyp, jolaýshylar da kóptep alǵys bildirýde.
«Bólmede alys joldan kele jatqan jolaýshylardyń tynyǵyp alýyna bar jaǵdaı jasalǵan. Sapardaǵy adam qystyń sýyǵy, jazdyń aptabynda jolaı atalǵan meshittiń osy arnaıy bólmesine kirip bir sát tynyǵyp, dáret alyp, sapar namazyn oqyp, ystyq sháı qaınatyp iship nemese jeńil sýsyn, jeńil as mázirimen tamaqtanyp, sharshaýyn basyp, múmkin azdap myzǵyp alyp, ary qaraı saparyn jalǵasyra berýine bolady. Tipten kóligi buzylyp dalada qalyp jatsa túnep ketýine de bolady. Oblysymyzda osymen ekinshi meshitten jolaýshylar bólmesi ashylyp otyr. Mundaı qaıyrly shara jol boıyndaǵy meshitterde jalǵasyn taba bere» deıdi jolaýshylar bólmesiniń ashylý saltanatyna qatysqan oblys bas ımamy Joldas Qospaquly.
