О́tken aptada kıeli Túrkistan qalasynyń bir bóligine alǵashqy ret tabıǵı gaz berildi. «QazTransGaz» AQ bas dırektory Serik Sultanǵalı: «Osy sátti Túrkistan qalasynyń 240 myńdaı turǵyny 50 jyldan astam ýaqyt kútti. Ońtústik Qazaqstan oblysyn gazdandyrý jumystary ótken ǵasyrdyń 60-jyldarynan bastalǵan eken. Biraq Túrkistan óńirin gazdandyrý isi keńestik kezeńniń ózinde de sheshimin tapqan joq», dep atap ótti.
О́tken aptada kıeli Túrkistan qalasynyń bir bóligine alǵashqy ret tabıǵı gaz berildi. «QazTransGaz» AQ bas dırektory Serik Sultanǵalı: «Osy sátti Túrkistan qalasynyń 240 myńdaı turǵyny 50 jyldan astam ýaqyt kútti. Ońtústik Qazaqstan oblysyn gazdandyrý jumystary ótken ǵasyrdyń 60-jyldarynan bastalǵan eken. Biraq Túrkistan óńirin gazdandyrý isi keńestik kezeńniń ózinde de sheshimin tapqan joq», dep atap ótti.Sonymen, elimizdiń batysynan tartylǵan qazaqstandyq gazdy tutyna bastaǵan ońtústiktegi alǵashqy qala – kıeli Túrkistan. Bul jerde kógildir otyndy tutynýdyń boljam kólemi – jylyna 92 mln. tekshe metrdi qurap otyr. Joba tolyq júzege asqan kezde jaqyn mańdaǵy eldi mekenderdi de gazben qamtamasyz etýge múmkindik beredi.
«QazTransGaz Aımaq» AQ iske asyrǵan ınvestısııalyq joba boıynsha 22 shaqyrym joǵary qysymdy gaz qubyry, 1 avtomatty gaz taratý stansasy men 2 gaz retteý pýnkti salyndy. Bul qubyrǵa gaz qyrkúıekte paıdalanýǵa berilgen «Beıneý–Bozoı–Shymkent» magıstraldi gaz qubyrynan keledi. Túrkistanda kógildir otynnyń áleýetti tutynýshylary sanatyna 40,2 myń turǵyn úı jáne kópqabatty turǵyn úılerdegi páterler, 384 kommýnaldyq-turmystyq kásiporyndar (dárihanalar, dúkender jáne t.b.), 19 emhana, 19 balabaqsha, 60 mektep, 215 memlekettik mekeme, 70 ónerkásiptik kásiporyn kirip otyr.
Túrkistan qalasyn gazdandyrý jónindegi jobany oryndaý úlken ekonomıkalyq, áleýmettik jáne mádenı mańyzǵa ıe. Qala tek Qazaqstanda ǵana emes, búkil Ortalyq Azııadaǵy iri týrıstik jáne minájattyq ortalyq, rýhanı astana bolyp sanalady. Túrkistan týrısterdi kóptegen tarıhı oryndarymen tartady. Kıeli Túrkistanǵa jyl saıyn bir mıllıonnan astam adam táý etip, saparlap qaıtady.
«Atalǵan joba gazben jabdyqtaýdyń aımaqtyq shemasyna qosylǵan jáne ony oryndaý kishi jáne orta bıznestiń jergilikti kásiporyndaryn damytýǵa qosymsha múmkindik beretini sózsiz jáne túrkistandyqtardyń ómir súrý deńgeıin jaqsartýǵa úlken úles qosady», dep atap ótti Serik Sultanǵalıuly.
Túrkistan qalasyn gazdandyrý jobasyn ońtústik jurtyna aýqymdy da tyndyrymdy jumystarymen tanymal «QazTransGaz Aımaq» AQ-tyń bas dırektory Q.Sháripbaev 2011 jyldyń kúzinde tanystyryp, Premer-Mınıstrdiń birinshi orynbasary bastaǵan úkimettik delegasııa jobany qoldaǵan bolatyn. Endi túrkistandyqtarǵa sol kezde berilgen ýáde naqty iske aınalyp, údeden shyqty.
Iаǵnı, «QazTransGaz Aımaq» AQ bastamasymen jasalǵan joba gazben jabdyqtaýdyń aımaqtyq shemasyna qosylyp, «Beıneý–Bozoı–Shymkent» magıstraldi gaz qubyry iske qosylǵannan keıin naqty júzege asyrylyp otyr.
Oralhan DÁÝIT,
«Egemen Qazaqstan».
Ońtústik Qazaqstan oblysy.
