Soltústik Qazaqstan oblysy polısııa departamenti baspasóz qyzmetiniń málimetinshe, gaz ballony Petropavldaǵy 5 qabatty jataqhananyń birinshi qabatynda ornalasqan «Qara jorǵa» dámhanasynda jarylǵan.
Jarylys bolǵan kezde dámhanada ony jalǵa alýshy jigit, 3 jumysshy jáne 4 kelýshi, al kórshi ornalasqan «Versal» shashtarazynda 4 adam bolǵan. Jarylystyń arty órtke ulasyp, saldarynan dámhana ǵana emes, japsarlas úı-jaı jáne jataqhananyń kórshi bólmeleri zaqymdandy. Gaz ballonynyń jarylýynan dámhananyń 1999 jylǵy jumysshysy mert boldy.
Onyń denesi órt sóndirilgennen keıin úıindiniń astynan shyǵaryldy. Al dámhanany jalǵa alǵan 1996 jyly týǵan er adam Petropavldaǵy qalalyq kópbeıindi aýrýhanada alǵan kúıikten qaıtys boldy. Jedel-tergeý toby oqıǵa ornynan, «Qara jorǵa» dámhanasynyń as úıi bolǵan jerden jarylǵan 25 lıtrlik gaz ballonyn, gaz plıtasynyń shlangisin jáne eki komforkasyn tapty.
PD bastyǵy Marat Tólebaevtyń aıtýynsha, osy is boıynsha birqatar tıisti saraptamalar taǵaıyndaldy. Sonyń ishinde órt-tehnıkalyq SQO saraptama da bar. Qylmystyq istiń tergelý barysy oblystyń bas polıseıi men prokýrorynyń baqylaýynda bolady.
