Taraptar Qazaqstan men Úndistan arasyndaǵy ekijaqty saýda-ekonomıkalyq yntymaqtastyqtyń túrli máseleleri boıynsha pikir almasty, sondaı-aq Qazaqstandaǵy elshi myrzanyń qyzmeti kezeńindegi birlesken jumystyń nátıjelerin talqylady.
Kelissózder barysynda ótken jyldyń qyrkúıek aıynda Caýda-ekonomıkalyq yntymaqtastyq jónindegi birlesken jumys tobynyń 7-otyrysynyń sátti ótkizilýi atap ótildi, sondaı-aq saýda-ekonomıkalyq jáne ǵylymı-tehnıkalyq yntymaqtastyq jónindegi Qazaqstan-Úndistan Úkimetaralyq komıssııasynyń 14-otyrysyna daıyndyq jumystary talqylandy. Qazaqstan-Úndistan yntymaqtastyǵy taraptar ózara is-qımyldyń barlyq baǵyttary boıynsha ózara tıimdi baılanystar serpinin qoldaý úshin barlyq kúsh-jigerin jumsaýynyń nátıjesinde órlemeli syzyq boıynsha damýda.
Budan basqa Qazaqstan men Úndistan arasyndaǵy 2020 jylǵy taýar aınalymynyń kólemi 2,4 mlrd dollardy qurady, bul aldyńǵy jyldyń kórsetkishinen 27,3%-ǵa joǵary (1,9 mlrd dollar). 2020 jyly Qazaqstannan Úndistanǵa eksport 26,7%-ǵa ósip, 2 mlrd dollardy qurady. Budan basqa Qazaqstan men Úndistan arasyndaǵy saýda kólemin qoldaý jáne ulǵaıtý úshin qazaqstandyq sarapshylar Qazaqstannan Úndistan naryǵyna shyǵarylýy múmkin áleýetti taýarlardyń tizbesin daıyndady. Bul jalpy somaǵa alpystan astam ónim ataýy 271,4 mln dollardy kuraıdy. Metallýrgııa, tamaq, mashına jasaý, hımııa salalarynyń ónimderin, sondaı-aq qurylys taýarlaryn jáne t.b. jetkizýdi ulǵaıtý múmkindigi bar.
Sondaı-aq «Qazaqınvest» AQ jáne úndi tarapymen birlesip ótkizilgen semınar talqylandy, onyń taqyryby Úndistannyń Ortalyq Azııa elderimen ekonomıkalyq yntymaqtastyqty ulǵaıtý maqsatynda tez óteletin jobalarǵa nysanaly granttyq kredıtter berýdi usyndy.
Kezdesý sońynda vıse-mınıstr elshi myrzanyń qyzmet atqarǵan kezeńindegi tıimdi qyzmeti úshin alǵysyn bildirip, onyń túrli salalardaǵy Qazaqstan-Úndistan yntymaqtastyǵyna qosqan úlesin joǵary baǵalady jáne oǵan aldaǵy eńbek jolynda tabys tiledi.
