Medısınalyq dári qobdıshalaryn satyp alýǵa qarajat Azııa damý bankiniń granty esebinen bólinetin bolady. Dári qobdıshalaryn BUUDB arqyly satyp alý boljanyp otyr.
Jıyntyqtardyń quramyn QR Densaýlyq saqtaý mınıstrligi aıqyndady jáne oǵan termometrler, maskalar, dezınfeksııalyq quraldar jáne steroıdty emes qabynýǵa qarsy preparattar kiredi.
Dári qobdıshalaryn alýshylarǵa jetkizýdi qalalyq nemese aýdandyq jumyspen qamtýdy úılestirý jáne áleýmettik baǵdarlamalar bólimderi jáne aýyldyq ákimdikter júzege asyrady.
Bul shara materıaldyq jaǵdaıy qıyn, ataýly áleýmettik kómek alýshy otbasylardyń ekonomıkalyq júktemesin azaıtýǵa múmkindik beredi. Osylaısha, aǵymdaǵy jyldyń maýsymyna deıin Qazaqstandaǵy tabysy az otbasylarǵa 145 myń medısınalyq dári qobdıshasy jetkiziletin bolady.
Esterińizge sala keteıik, 2020 jyldyń 10 shildesinde QR Úkimetiniń keńeıtilgen otyrysynda Memleket basshysy tabysy az otbasylardy koronavırýstyq ınfeksııanyń taralýyna jol bermeý maqsatynda dári-dármektermen jáne alǵashqy medısınalyq qorǵaý quraldarymen qamtamasyz etýdi tapsyrǵan bolatyn.
