Statıstıkalyq málimetterge júginsek, sporttyń bul túrinde Norvegııanyń aldyna túsetin eshkimniń joqtyǵyn ańǵarý qıyn emes. Olardyń komandalyq esepte kósh bastap kele jatqanyna 20 jyldan asa ýaqyt boldy. Tarqatyp aıtsaq, 1999-2019 jyldar aralyǵynda Ramzaý, Lahtı (eki ret), Val-dı-Femme (eki ret), Oberstdorf, Sapporo, Lıberes, Oslo, Falýn jáne Zefeldte uıymdastyrylǵan jarystarda Skandınavııa túbeginiń túlekteri top jardy. Osydan eki jyl buryn Aýstrııada ótken dúbirli dodada da sarapqa salynǵan 22 bas júldeniń 13-in norvegııalyqtar oljalaǵan bolatyn. Alty altyny bar Germanııa quramasy ekinshi oryndy ıelense, qos shańǵyshysy teńdessiz dep tanylǵan Shvesııa komandasy úshinshi satyǵa taban tiredi.
Al erteń bastalatyn álem chempıonatyda Qazaqstannyń namysyn Evgenıı Velıchko, Oljas Klımın, Konstantın Borsov, Naıl Bashmakov, Vıtalıı Pýhkalo, Anna Shevchenko, Darıa Rıajko, Olga Mandrıka, Irına Bykova, Valerııa Tıýleneva jáne Aısha Raqysheva syndy sportshylar qorǵaıdy.
