Aqsúmbe, Baqyrly, Ashy sý qoımalary kúrdeli jóndeýden ótti. Sondaı-aq, Syrdarııa ózeni boıyndaǵy 22 eldi mekendi qamatamasyz etip otyrǵan «Úlken sý» dabyl berý júıesi qaıta jańǵyrtyldy. «2021-2023 jyldarǵa arnalǵan sý tasqynyna qarsy is-sharalar kesheni» jol kartasynyń jobasyna 20 is-shara engizilip, jaǵalaýdy nyǵaıtý, túzetý jumystarynyń ýaqtyly aıaqtalýy baqylaýda bolady. Kóktemgi sý tasqynynyń aldyn alýǵa qajetti qural-jabdyq qory jasaqtalyp, oblys aýmaǵyndaǵy azamattyq qorǵaý qurylymdarynyń 5 myńnan astam jeke quramy, myńnan astam tehnıkasy daıyndyqqa keltirilgen.
О́ńirde 7 aýdanda jáne Syrdarııanyń boıynda qaýip bar. Naýryz aıynyń ortasynda Shardaradan sý bosatylady. Bul oraıda oblys ákimi aldyn alý jumystaryn júrgizýdi tapsyrdy. Aýdandarda tótenshe jaǵdaıdyń aldyn alý úshin antıkrızıstik karta jasalǵan. Bul joba respýblıka boıynsha óńirde alǵash ret júzege asyrylady. Pılottyq joba oblys aýmaǵynda bolýy yqtımal órt, sý tasqyny, jer silkinisi sııaqty 200-den asa túrli táýekelderdi qamtıdy. Kartada kórsetilgendeı apat bola qalsa, 24/7 formatynda jedel aqparattyq shtab qurylady. Ol «Altyn saǵat» erejesine saı tótenshe jaǵdaı bolǵan sátten 20 mınýt ishinde resmı aqparat taratýǵa múmkindik beredi. Aıta keteıik, oblys aýmaǵynda kez kelgen jaǵdaıǵa daıyn bolý úshin 216 qutqarý beketi ornalastyrylǵan.
