Oblys ákiminiń tapsyrmasymen daıyndalǵan algorıtm boıynsha jaıylym tapshylyǵy oryn alǵan 152 eldi meken mańyndaǵy halyqtyń muqtajyna alynatyn ýchaskeler anyqtalyp, basymdylyq berildi.
Bul týraly oblys ákimi О́mirzaq Shókeevtiń tóraǵalyǵymen ótken lezdemelik májiliste aıtyldy. Oblystyq jer qatynastary basqarmasynyń basshysy Samat Ramazanovtyń baıandaýynsha, bıyl I-jarty jyldyqta 66,4 myń gektar, II - jarty jyldyqta 63,2 myń gektar, jalpy 130 myń gektarǵa jýyq jaıylymdyq jerlerdi halyqtyń muqtajyna alý josparlanyp otyr. Alynatyn ýchaskeler naqtylanýda. Nátıjesinde jyl sońyna deıin halyqtyń paıdalanatyn jaıylym kólemi 742 myń gektarǵa artpaq. Jalpy Túrkistan oblysynda 3 mln 200 myń gektar jaıylymdyq jer bar.
Jaıylym jerler eldi mekender shegine engizý jolymen aýyl okrýgteri ákimderiniń tikeleı jaýapkershiligine beriledi. Jalpy bul baǵyttaǵy jumystar halyq jaıylym jermen tolyq qamtylǵansha turaqty baqylaýda bolady.
