Oblystyq polısııa departamenti baspasóz qyzmetiniń málimetinshe, jedel basqarý ortalyǵynyń qyzmetkerleri 19 aqpanda túngi saǵat 03:20 shamasynda mas jigittiń áýeli meıramhana aldynda bılep, keıin kólik rýline otyrǵanyn baıqapty.
«Baǵyttamaǵa sáıkes 10 mınýtta jetken patrýldik polıseıler Azattyq dańǵylyndaǵy №124 úıdiń tusynda «Toyota Estima» avtokóligin toqtatty. Bul kólik Armenııa Respýblıkasynda tirkelgen. Kólik júrgizýshisi – Qyzylqoǵa aýdanynyń 30 jastaǵy turǵyny. Narkologııalyq saraptamanyń qorytyndysymen júrgizýshiniń ishimdik ishkeni anyqtaldy. Mas kúıde rýlge otyrǵan jigittiń buryn da osyndaı quqyq buzýshylyq úshin kólik júrgizý quqyǵynan aıyrylǵany belgili boldy» dep málim etti departamenttiń baspasóz qyzmetinen.
Mas júrgizýshige qatysty QR Qylmystyq Kodeksiniń 346-babymen (Kólik quraldaryn basqarý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn basqarýdy osyndaı adamǵa berý nemese kólik quralyn osyndaı adamnyń basqarýyna jol bergeni úshin) qylmystyq is qozǵaldy. Avtokólik arnaıy turaqqa qoıyldy.
