Ulttyq ulannyń 6506 áskerı bóliminiń qyzmetkerleriniń saptyq jıynynda Shymkent qalasy Polısııa departamenti bastyǵynyń orynbasary A.Ámzeev 2021 jyldyń 13 aqpan kúni keshki ýaqytta qyzdy zorlaýdan qutqaryp qalǵan Ulttyq ulannyń 6506 áskerı bóliminiń áskerı qyzmetkeri Artem Kalashnıkovqa alǵys aıtyp, Shymkent QPD-niń bastyǵy E.Jýmahanbetovtyń gramotasymen marapattady.
Aıta ketsek, Jibek Joly kóshesimen úıine qaıtyp bara jatqan qatardaǵy jaýynger Artem Kalashnıkov qyz balanyń kómek surap aıqaılaǵanyn estigen. Oqıǵa saǵat 00.40 shamasynda bolǵan. Áskerı qyzmetker oılanbastan qyzdyń daýysy shyqqan jaqqa júgirgen. Oqıǵa ornyna kelgen ol qyzdy zorlamaq bolǵan eki er adamdy kórgen. Artem olarmen qoıan-qoltyq urysqa túsip, bireýin ustap úlgergen, al ekinshi kúdikti qashyp ketken.
Oqıǵa ornyna jedel tergeý toby shaqyrylyp, kúdikti Shymkent qalasy Eńbekshi aýdanynyń APB-na jetkizildi.
Kúdiktilerdi ustaý kezinde áskerı qyzmetker ózi de baıqamaı, qolyn jaraqattap alǵan. Degenmen polısııa kelgenge deıin er adamdy ustap turǵan. Atalǵan is boıynsha qylmystyq is jalǵasyp jatyr.
2021 jyldyń 22 aqpan kúni Eńbekshi APB-nyń qyzmetkerleri izdestirý is-sharalaryn júrgizý barysynda ekinshi kúdiktini anyqtap, ol Shymkent qalasy Polısııa departamenti Eńbekshi aýdany Polısııa basqarmasyna jetkizildi.
