О́z baıandamasynda B. Atamqulov 2020 jyly respýblıka boıynsha 15,3 mln sharshy metr turǵyn úı salynǵanyn, 140 myńnan astam baspana paıdalanýǵa berilgenin atap ótti. Turǵyn úı qurylysyna ınvestısııalar 2019 jylmen salystyrǵanda 33,6%-ǵa ósip, 2 trln teńgeni qurady. Memlekettik qarajattyń 1 teńgesine 5 teńge jeke ınvestısııa tartyldy.
«38,4 myń otbasyna memlekettik qoldaý kórsetildi. Onyń ishinde 28 myń áleýmettik turǵyn úı túrinde jáne 10,4 myń jeńildetilgen zaım berildi. Bıyl qarjylandyrýdyń barlyq kózderi esebinen 17 mln sharshy metr turǵyn úı salý josparlanýda – bul 163 myń baspana», — dedi B. Atamqulov.
Mınıstrdiń aıtýynsha, memlekettik ınvestısııalar esebinen kezekte turǵan 31,3 myń adamdy qoldaýmen qamtý josparlanýda. 22,5 myń áleýmettik baspana salynyp, satyp alynady jáne kezekte turǵandarǵa 8,8 myń jeńildetilgen qaryzdar beriledi.
«Kezektilik máselesin sheshý úshin Memleket basshysy buǵan deıin jergilikti atqarýshy organdardaǵy turǵyn úı kezektiligin bere otyryp, «Qazaqstannyń turǵyn úı qurylys jınaq banki» negizinde «Otbasy bank» tolyqqandy damý jáne qoldaý ınstıtýtyn qurýdy tapsyrǵan bolatyn. «Otbasy bank» jumysynyń negizgi qaǵıdaty, ásirese, halyqtyń áleýmettik osal toptary úshin turǵyn úıdiń qoljetimdiligin arttyrýǵa baǵyttalatyn bolady», — dedi B. Atamqulov.
«Otbasy bank» bazasynda «Turǵyn úımen qamtamasyz etý jónindegi ortalyq» qurylady, ol turǵyn úıge muqtajdardy esepke alýdy, sondaı-aq turǵyn úıdiń qoljetimdilik satysyna sáıkes turǵyn úıdi kezekke qoıý kúni boıynsha bólýdi ortalyqtandyryp júzege asyratyn bolady.
«Turǵyn úımen qamtamasyz etý ortalyǵynyń» bazasy jeke tulǵalardyń memlekettik derekqorlarymen ıntegrasııalanatyn bolady. Sonymen qatar, mınıstr atap ótkendeı, bazaǵa qaıta engizýge jol berilmeıdi, azamattar memlekettik baǵdarlamalarǵa bir ret qana qatysa alady. Jaldaý aqysyn sýbsıdııalaý tetigin iske asyrý úshin «Otbasy bank» ókilettikterin kúsheıtý usynylady. Bul mehanızmde sondaı-aq jalǵa beriletin turǵyn úı pýldaryn qalyptastyratyn, turǵyn úı qoryn basqaratyn jáne jalǵa alýshylarmen sharttar jasasatyn Turǵyn úı qurylysynyń biryńǵaı operatoryn iske qosý usynylady.
Budan basqa, jeke turǵyn úı qorynyń jaldaý aqysynan 21 aılyq eseptik kórsetkish mólsherinde jalǵa alý aqysyn sýbsıdııalaý usynylady.
«Turǵyn úı alýǵa kezekte turǵan azamattardyń sany jyl saıyn 50 myńǵa deıin ósýde jáne búgingi kúni 548 myń adamdy quraıdy», — dedi B. Atamqulov.
Kezektegi kóp balaly otbasylar, jetim balalar, múgedek balalary bar otbasylar jáne halyqtyń basqa da áleýmettik osal toptary, tabysy otbasy múshesine shaqqanda eń tómengi bir kúnkóris deńgeıinen tómen bolǵan jaǵdaıda, turǵyn úımen qamtamasyz etý jalǵa beriletin turǵyn úıdi sýbsıdııalaý tetigi arqyly júzege asyrý usynylady.
Memlekettik qyzmetkerler, bıýdjet qyzmetkerleri, tolyq emes otbasylar jáne basqa da kezekte turǵan azamattardyń tabys kólemi eń tómengi bir kúnkóris deńgeıinen joǵary. Azamattardyń bul sanaty jańa turǵyn úıge jeńildetilgen qaryz alý arqyly turǵyn úı satyp alatyn bolady. 2021 jylǵy 26 qańtarda Úkimettiń keńeıtilgen otyrysynda Memleket basshysynyń bergen turǵyn úı saıasatyn jetildirý boıynsha usynystar engizý tapsyrmasyn oryndaý sheńberinde «Nurly jer» memlekettik baǵdarlamasynda belgilengen baǵa parametrleri boıynsha salynyp jatqan turǵyn úı kóleminiń 50%-yn berý shartymen jergilikti atqarýshy organdar áleýmettik nysandar jáne turǵyn úıler salý úshin qurylys salýshynyń óz qarajaty esebinen jer ýchaskelerin alý quqyǵyn berý usynylady.
Sondaı-aq, bul nysandar qurylys salýshynyń óz ýchaskelerinde salynǵan jaǵdaıda, balama jer ýchaskelerin berý nemese qurylys salýshynyń shyǵyndaryn óteý usynylyp otyr.
Bul rette, turǵyn úı salý úshin jer ýchaskeleri jer ýchaskesin nemese ony jalǵa alý quqyǵyn satý jónindegi saýda-sattyqty uıymdastyrý jáne ótkizý qaǵıdalaryna sáıkes beriletin bolady. Bul obektilerdi qurylys salýshynyń óz ýchaskelerinde salǵan jaǵdaıda, balama jer ýchaskelerin berý nemese qurylys salýshynyń shyǵyndaryn óteý usynylady.
Sondaı-aq, mınıstrlik turǵyn úı qurylysyn damytý boıynsha qosymsha sharalardy usynady:
jalǵa beriletin turǵyn úı pýlyn qalyptastyrý jáne jyljymaıtyn múliktiń jeke áleýmettik qorlaryn qurýdy yntalandyrý;
naryqtyq qorlandyrýdy (halyqtyń depozıtteri, zeınetaqy jınaqtary) tartý jáne qaryz boıynsha shyǵystardy sýbsıdııalaý;
jeke qurylys salýshylardy jobalyq qarjylandyrý tetigin engizý; úlestik qurylys boıynsha qurylys kompanııalarynyń reıtıngin engizý;
josyqsyz qurylys salýshylardyń jaýapkershiligin qatańdatý.
«Barlyq sharalar qabyldanǵan jaǵdaıda elimizdiń barlyq óńirlerinde qosymsha 1,7 mln sharshy metr turǵyn úı nemese 28 myń páter salynatyn bolady», — dedi B. Atamqulov.
Mınıstrdiń aıtýynsha, turǵyn úı qurylysyna ınvestısııalar qosymsha 300 mlrd teńgeni quraıdy. Bul 55 myń jumys ornyn qurýǵa, 40 mlrd teńgege salyq túsimderin qamtamasyz etýge jáne taýarlar óndirý, jumystar men qyzmetter kórsetý boıynsha aralas salalarynda shamamen 530 mlrd teńge tartýǵa múmkindik beredi.
Sonymen qatar B. Atamqulov qoldanystaǵy zańnamaǵa ózgerister men tolyqtyrýlar engizý qajettigine nazar aýdardy. Bul baǵytta qazirgi ýaqytta mınıstrlik «Qazaqstan Respýblıkasynyń keıbir zańnamalyq aktilerine turǵyn úı saıasatyn reformalaý máseleleri boıynsha ózgerister men tolyqtyrýlar engizý týraly» QR Zańy jobasynyń tujyrymdamasyn daıyndady jáne ol aǵymdaǵy jylǵy 5 aqpanda vedomstvo aralyq komıssııamen maquldandy. Zań jobasy ázirlenip, saraptama alýǵa joldandy, barlyq kelisý rásimderin júrgizgennen keıin zań jobasy aǵymdaǵy jyldyń sáýir aıynda belgilengen tártippen Úkimetke engiziletin bolady. Jeńildikpen nesıe berý tetikteri jáne úlestik qurylys salasyndaǵy josyqsyz qurylys salýshylar týraly «Báıterek» UBH» AQ basqarma tóraǵasy Aıdar Áriphanov ta óńirlerde qarjylandyrý kóleminiń ulǵaıýyna nazar aýdardy.
A. Áriphanovtyń aıtýynsha, kredıttik turǵyn úı qurylysy boıynsha ákimdikter aınalymynda qazir 387 mlrd teńge bar. Qurylys kólemin ulǵaıtý úshin Biryńǵaı operator naryq jaǵdaıynda qosymsha 61 mlrd teńge tarta alady.
«Tartylatyn qorlandyrý qarajatty aǵymdaǵy kólemdermen mıkshırleýge baǵyttalatyn bolady, bul ákimdikterdiń oblıgasııalaryn jyldyq 4,25% biryńǵaı mólsherleme boıynsha satyp alýǵa múmkindik beredi. Bul qarajat aınalymyn 448,5 mlrd teńgege deıin ulǵaıtýǵa, 2,5 mln sharshy metr turǵyn úı salýǵa múmkindik beredi», — dedi A. Áriphanov.
Aǵymdaǵy jyly naryq jaǵdaıynda barlyǵy 300 mlrd teńge tartý josparlanýda. Áleýetti ınvestorlar retinde kommersııalyq bankter, saqtandyrý jáne qarjy uıymdary ishki jáne reseılik naryqtarda qarastyrylady. 1-toqsanda Eýrazııalyq damý bankimen jáne Reseı Sberbankimen kelissózder aıaqtalady. «Báıterek» UBH» AQ basqarma tóraǵasynyń aıtýynsha, qosymsha, erkin kepildik bazasynyń bolmaýyna baılanysty bankterden kommersııalyq kredıtter ala almaıtyn qarjylyq turaqty qurylys salýshylardy qoldaý úshin jobalyq qarjylandyrý tetigin engizý usynylady.
Sonymen qatar A. Áriphanov tabysy bir aılyq eseptik kórsetkishinen tómen kezekte turǵandar úshin jeke jalǵa beriletin turǵyn úıdi sýbsıdııalaý tetigin engizý týraly aıtty, bul týraly joǵaryda B. Atamqulov baıandady.
Onyń aıtýynsha, ol úshin Biryńǵaı operator jeke qurylys salýshylarmen offteık-kelisimsharttar jasap, turǵyn úı pýldaryn qalyptastyryp, kezekte turǵandarǵa satyp alý quqyǵynsyz jalǵa beredi jáne aı saıynǵy jaldaý tólemderin sýbsıdııalaıtyn bolady. Mehanızmdi iske qosý úshin Indýstrııa jáne ınfraqurylymdyq damý mınıstrligi aıtqan zańnamalyq ózgerister qajet.
Jergilikti atqarýshy organdardyń aqparaty boıynsha qazir jeke qurylys salýshylarda 31,2 myń páterge, ákimdikterde 188 myń páterge bos jer ýchaskeleri bar.
Sondaı-aq josyqsyz qurylys salýshylardyń úlestik turǵyn úı qurylysy salasyndaǵy zańnamany buzýy jeke problema bolyp otyr. О́tken 2 jylda osyndaı 123 kompanııa anyqtaldy.
«Qarjylyq turaqsyz kompanııalar sapaly jáne arzan turǵyn úıge ýáde bere otyryp, ár túrli kooperatıvter, odaqtar, jarnalar arqyly halyqtyń salymdaryn ashyq túrde tartady. Sonymen qatar, bul jaǵdaıda qurylystyń aıaqtalýyna eshkim kepildik bermeıdi», — dedi A. Áriphanov.
«Báıterek» UBH» AQ bul baǵytta qoldanystaǵy eki tásildi ǵana saqtaýdy usynady: kepildik berý tetigin jáne EDB arqyly jobalyq qarjylandyrý.
A. Áriphanov atap ótkendeı, bul rette, halyqtyń qarajatyn tartýǵa quqyly qurylys kompanııalarynyń qarapaıym jáne barlyǵyna túsinikti reıtıngin engizý qajet. Prınsıp kelesideı — qarjylyq turǵydan ornyqty kompanııalar úshin kepildendirýdiń qoldanystaǵy tetigi saqtalady.
Reıtıngi tómen kompanııalar úshin Biryńǵaı operator belgilengen baǵalar boıynsha halyqtan úlestik salymdardy tikeleı tartatyn jáne arnaıy eskroý-shottaǵy qarajattyń saqtalýyn qamtamasyz etetin bolady.
О́z kezeginde kommersııalyq bankter halyqqa salynyp jatqan turǵyn úıdi satyp alýǵa qosymsha kepilsiz ıpoteka bere alady. «Nurly jer» memlekettik baǵdarlamasyn iske asyrý týraly «Otbasy bank» AQ basqarma tóraıymy Lázzat Ibragımova óz kezeginde «Nurly jer» memlekettik baǵdarlamasyn iske asyrý sharalary týraly habardar etti.
Turǵyn úı qurylys jınaq júıesi sheńberinde 2019 jyldan bastap 2020 jylǵa deıingi kezeńde jasalǵan sharttardyń sany 407 myńnan 486 myńǵa deıin, ıaǵnı 19%-ǵa ósti. Osy kezeńde júıege qatysýshylar sany 1553 myńnan 1 862 myńǵa deıin, nemese 20%-ǵa ósti. Memlekettik baǵdarlama iske asyrylyp bastalǵannan beri «Otbasy bankine» turǵyn úı zaemdaryn berýge 310 mlrd teńge bólindi. Onyń ishinde 2020 jyldyń tamyz aıynda «Shańyraq» baǵdarlamasyna 90 mlrd teńge bólindi. Aǵymdaǵy jyly 202 mlrd teńge, onyń ishinde naýryz aıynda «Shańyraq» baǵdarlamasyna 120 mlrd teńge alý josparlanyp otyr.
L. Ibragımova atap ótkendeı, memlekettik baǵdarlamalardyń iske asyrylý barysy týraly ahýal kelesideı. Memlekettik baǵdarlama iske asyrylǵan sátten bastap somasy 337,5 mlrd teńgeni quraıtyn 35 049 zaem berildi. Onyń ishinde kredıttik turǵyn úıdi iske asyrý sheńberinde 165,9 mlrd teńge somasyna 19 085 zaem berildi. «Baqytty otbasy» baǵyty boıynsha 97,2 mlrd teńge somaǵa 9 488 zaem berildi. «Shańyraq» pılottyq jobasy boıynsha 74,5 mlrd teńge somaǵa 6 476 zaım berildi. 01.02.2021 j. jaǵdaı boıynsha kezekte turǵan 237,6 myń adamnyń bankte 143 mlrd teńgege salymdary bar. Onyń ishinde 188 myńy (79%) turǵyn úıge qarjysyn jınaqtaı bastady jáne jınaqtary bar. Kezekte turǵandar jınaqtarynyń ortasha somasy - 601 myń teńgeden astam. Jyl saıyn kezekte turǵan 30 myńǵa jýyq adam salymdaryn ashady. Bankte 32,7 myń kezekte turǵandardyń nesıeleri bar.
Sonymen qatar L. Ibragımova ńa azamattardy esepke ala otyryp, olardyń esebin ortalyqtandyrylǵan júıemen júrgizýdi kózdeıtin jańa tásilge nazar aýdardy. Barlyq derekterdi shoǵyrlandyrý (memlekettik organdardyń 17 bazasyn eskere otyryp) turǵyn úıge muqtaj azamattardyń otbasy portretin qalyptastyrýǵa múmkindik beredi. Bul turǵyn úı máselelerin keshendi sheshýge, turǵyn úı saıasatyn jetildirý boıynsha usynystardy ázirleýge múmkindik beredi.
«Barlyq prosesterdi avtomattandyrý adam faktoryn boldyrmaıdy jáne azamattardy esepke alý men turǵyn úıdi bólýdiń ashyqtyǵyn, jarııalylyǵyn qamtamasyz etedi», — dedi L. Ibragımova.
Qazirgi ýaqytta Qazaqstan Respýblıkasynyń keıbir zańnamalyq aktilerine turǵyn úı saıasatyn reformalaý máseleleri boıynsha ózgerister paketi daıyndaldy. Baspana jaǵdaıyn jaqsartý úshin birjolǵy zeınetaqy tólemderin paıdalaný erejeleri Turǵyn úı jaǵdaılaryn jaqsartý úshin birjolǵy zeınetaqy tólemderin paıdalaný erejelerine mynadaı ózgerister engizý usynylady: turǵyn úı qurylys jınaq júıesi boıynsha TQJ salymdaryn memlekettik syılyqaqyny eseptemeı-aq tolyqtyrý maqsatynda paıdalaný maqsattaryn tolyqtyrý; Erejelerdiń 2-taraýynyń 5-tarmaǵynyń 1) jáne 3) tarmaqshalarynda jeke turǵyn úı qurylysyna baılanystyrmaı, «nysanaly maqsaty bar jer telimin satyp alý – jeke turǵyn úı qurylysy nemese jeke qosalqy sharýashylyq» maqsatyn bólek bólý.
Memlekettik Derekter qoryna qosylý mártebesi týraly aıtatyn bolsaq, L. Ibragımovanyń aıtýynsha, júıe memlekettik organdar bazalarymen birigý sheńberinde testileýden ótti jáne 6 baza boıynsha servıster ónerkásiptik paıdalanýǵa daıyn. 4 bazalyq qyzmetter testileý kezeńinde.
Bul rette, búgingi kúni 7 bazaǵa ótinish berýshiniń kelisimimen ǵana qosylýǵa bolady. Sonymen qatar «Otbasy bank» jeke qurylys salýshylarmen yntymaqtastyǵyn nyǵaıtýda.
Búginde jeke qurylys salýshylardyń jyljymaıtyn múlik baǵasyn ósirýine jol bermeý maqsatynda Nur-Sultan jáne Almaty qalalarynda belgili bir baǵa sanatynda pılottyq jobany iske qosý usynylady. Qazirgi tańda zeınetaqy tólemderin paıdalaný boıynsha kórsetkishter kelesideı.
Kelip túsken ótinimderdiń eń kóp úlesi:
Ipotekalyq qaryz boıynsha bereshekti óteý – 35 myńnan astam ótinim;
Ipotekasyz turǵyn úı satyp alý – 28 myńnan astam ótinim;
Týysqa jınaqtardy berý – 20 myńnan astam ótinim;
Qalǵandary – 13 myńnan astam ótinim.
20201 jylǵy 19 aqpandaǵy jaǵdaı boıynsha:
BJZQ-ǵa 564 mlrd teńge somasyna 98 myń ótinim jiberildi;
145 mlrd teńge somasyna 28 myń ótinim júzege asty;
Baǵdarlamaǵa ózgerister men tolyqtyrýlar paketi daıyndaldy. Turǵyn úı naryǵyndaǵy jaǵdaı
«2020 jyly naryqta turǵyn úıdi satyp alý-satýdyń 307 884 mámilesi jasaldy. 19.02.2021 j. jaǵdaı boıynsha BJZQ-ǵa turǵyn úı satyp alýǵa baılanysty maqsattarǵa 32,9 myń ótinim jiberildi», — dedi L. Ibragımova.
Halyqtyń turǵyn úı máselelerin sheshýge qoljetimdilikti arttyrý maqsatynda tómendegideı usynystar jasaldy jáne qoldaý tapty: salymshylardyń turǵyn úı qurylys jınaqtaryn toltyrý úshin birjolǵy zeınetaqy tólemderin paıdalaný múmkindigi baǵytynda; jer ýchaskesin alý úshin birjolǵy zeınetaqy tólemderin paıdalanýdyń jeke maqsat retinde bólý baǵytynda.
Shyǵys Qazaqstan oblysynda turǵyn úı saıasatyn iske asyrý týraly Shyǵys Qazaqstan oblysynyń ákimi Danıal Ahmetov atap ótkendeı, aǵymdaǵy jyly 112% ósimmen 582,7 myń sharshy metr turǵyn úıdi paıdalanýǵa berý josparlanyp otyr. Oǵan 34,2 mlrd teńge qarastyrylǵan, onyń 20,5 mlrd teńgesi — respýblıkalyq bıýdjet esebinen.
«Biz jeke qurylys salýshylar arqyly 59 myń sharshy metr bir qabatty turǵyn úı salýdy josparlap otyrmyz (offteık-kelisimsharttar). Jańa úıler keıin «Nurly jer» baǵalyq parametrlerimen satyp alynady», — dedi D. Ahmetov.
Jeke ınvestısııalar esebinen kóp qabatty turǵyn úıler qurylysyn yntalandyrý úshin, oblysta jańa mehanızm ázirlendi, ol boıynsha memlekettik qarajat – 25%, jeke ınvestısııalar 75% quraıdy. Osy mehanızm boıynsha aǵymdaǵy jyly 34 mlrd teńge somasyna, jalpy aýdany 262 myń sharshy metr 42 kóp páterli úıdiń qurylysy bastalady. «Shańyraq» baǵdarlamasy boıynsha, jalpy somasy 1,2 mlrd teńgege 117 páter satyldy. Jyl sońyna deıin 458 páter satylatyn bolady. «Baqytty otbasy» baǵdarlamasy boıynsha, aǵymdaǵy jyly 254 páterge 2,5 mlrd teńge qaryz lımıti qarastyrylǵan. «7-20-25» baǵdarlamasy boıynsha, ekinshi deńgeıdegi bankter 14 mlrd teńge somasyna 1 466 ótinimdi maquldady.
«Oblys QR Indýstrııa jáne ınfraqurylymdyq damý mınıstrligi usynǵan turǵyn úı saıasatyna jańa tásilderdi engizýdi qoldaıdy, bul tutas alǵanda búkil qurylys salasynyń damýyna eleýli mýltıplıkatıvtik áser beredi»,— dedi D. Ahmetov.
Qaraǵandy oblysynda turǵyn úı saıasatyn iske asyrý týraly Qaraǵandy oblysynyń ákimi Jeńis Qasymbektiń aıtýynsha, 2020 jyldyń qorytyndysy boıynsha oblysta 530 myń sharshy metr turǵyn úı paıdalanýǵa berildi, bul 2019 jylǵy kórsetkishten 26%-ǵa artyq. Onyń ishinde kommersııalyq turǵyn úı — 44,4%, bıýdjettik turǵyn úı — 27,7%, jeke turǵyn úı — 27,8%. 6,5 myńǵa jýyq otbasy ózderiniń baspana jaǵdaılaryn jaqsartty. Onyń ishinde áleýmettik turǵyn úı kezeginde turǵan 2,5 myń azamat úı aldy. Jalpy, ótken jyly «Nurly jer» baǵdarlamasy boıynsha 21,0 mlrd teńge bólindi.
Jalǵa beriletin turǵyn úı qurylysyna tek jergilikti bıýdjet qarajaty esebinen 4,2 mlrd teńge bólindi. Qabyldanǵan sharalar esebinen jergilikti bıýdjetten qosymsha 300 páter berildi. Áleýmettik jalǵa beriletin jáne nesıelik turǵyn úı berý qarqyny bir jylda 40%-ǵa ósti.
«2021 jyly 3 myńnan astam otbasyn, onyń ishinde 600 kóp balaly otbasyn jalǵa beriletin jáne kredıttik turǵyn úımen qamtamasyz etý úshin 25%-ǵa kóp, ıaǵnı 662 myń sharshy metrden astam turǵyn úı salýdy josparlap otyrmyz»,— dedi J. Qasymbek.
Ákimniń aıtýynsha, kommersııalyq turǵyn úı úlesi 50%-ǵa deıin ósedi jáne osy jyly 330 myń sharshy metrden astam osyndaı turǵyn úı paıdalanýǵa beriledi dep kútilýde.
«Jer ýchaskelerin ınfraqurylymmen qamtamasyz etý maqsatynda aǵymdaǵy jyly oblys úshin rekordtyq qarajat bólindi. Eger 2017-2020 jyldary 6,3 mlrd teńge bólinse, bıyl 5 mlrd teńge qarastyrylǵan. Respýblıkalyq bıýdjetti naqtylaýǵa qosymsha 800 mln teńge ótinish berildi»,— dedi J. Qasymbek.
Onyń aıtýynsha, jobalardy iske asyrý qorytyndylary boıynsha 2 myń jer ýchaskesi ınfraqurylymmen qamtamasyz etiletin bolady.
Ákim sonymen qatar óńirdiń Indýstrııa jáne ınfraqurylymdyq damý mınıstrligi usynǵan kelesi qosymsha sharalardy qoldaıtynyn aıtty.
Sonymen qatar, J. Qasymbek Qaraǵandy oblysy boıynsha 1 sharshy metrdiń quny 180 myń teńgeden asqan jaǵdaıda, memlekettik bıýdjet esebinen qunyn arttyrýdy sýbsıdııalaý múmkindigin qarastyrý nemese Qaraǵandy oblysynda «Qazaqstan turǵyn úı kompanııasy» úshin turǵyn úı satyp alýdyń baǵalyq shegin ulǵaıtý usynylatynyn aıtty.
«Jalpy, bul sharalar turǵyn úı qurylysyn damytýǵa jańa serpin berip, muqtaj azamattardyń kópshiligin qoljetimdi turǵyn úımen qamtamasyz etedi»,— dedi J. Qasymbek.
QR Premer-Mınıstriniń orynbasary Roman Sklıar turǵyn úı saıasaty máseleleri Úkimettiń turaqty baqylaýynda ekenin jáne baıandamashylardyń usynystarynyń turǵyn úıdiń, ásirese, halyqtyń áleýmettik osal toptary úshin qoljetimdiligin arttyrýǵa baǵyttalǵanyn atap ótti.
«Qabyldanyp jatqan sharalardyń arqasynda el ekonomıkasynyń ósýine oń áser etetin qurylys ındýstrııasynyń jandanýyn boljaımyz. Qajetti quqyqtyq ózgerister, sondaı-aq Úkimettiń uzaq merzimdi josparlaryn ulttyq jobaǵa aınaldyrý qarastyrylǵan», — dedi R. Sklıar.
