«2021 jylǵy 22 aqpanda Reseı Federasııasy aýmaǵynda «Soıýz» magıstral gaz qubyrynyń 108-shaqyrymynda jarylys boldy. Osyǵan baılanysty Qazaqstan Respýblıkasynyń aýmaǵy arqyly ótetin «Soıýz» MGQ jáne «Orynbor-Novopskov» MGQ boıynsha gaz berý toqtatyldy. Tıisinshe, Reseı gaz tranzıti jáne Qarashyǵanaq gazyn Orynbor gaz óńdeıtin zaýytyna jetkizý toqtatyldy», dedi vedomstvo ókilderi.
Vedomstvo ókilderiniń aıtýynsha, Batys Qazaqstan oblysy tutynýshylaryn gazben jabdyqtaý úshin «Orta Azııa-Ortalyq» magıstral gaz qubyrynan resýrstardy qaıta baǵyttaý boıynsha jumystar júrgizilip jatyr.
Sonymen qatar Qazaqstan Respýblıkasynda gaz tasymaldaý júıesiniń barlyq obekti shtattyq rejimde jumys istep tur. Jaǵdaı Energetıka mınıstrliginiń baqylaýynda eken.
Mınıstrlik baspasóz qyzmetindegiler gaz tasymaly toqtap qalýynan bolǵan jalpy shyǵyn mólsheri keıinirek esepteletinin habarlady.
Eske sala keteıik, Reseıden Qazaqstanǵa gaz tranzıti Orynbor oblysyndaǵy «Soıýz» magıstral gaz qubyryndaǵy jarylystyń saldarynan toqtatylǵany habarlandy.
