Tıisti qujattardy «Qoldau 24/7» mobıldi qosymshasyna júkteý arqyly da jeńildik sanatyna jatqyzylǵan azamattardyń mártebesin saqtandyrýǵa bolady. Atalmysh qosymsha jáne Call-ortalyqtary arqyly jyl basynan 14 shaǵym túsken.
«Bizdiń basty maqsatymyzdyń biri -turǵyndardyń sapaly medısınalyq qyzmet alýyna baqylaý júrgizip, olardyń quqyǵyn qorǵaý. Halyq jańa júıeni áli tolyq meńgermegeni baıqalady. Máselen, emdelýshiniń quqyǵy buzylsa, qaıda habarlasatynyn bilmeıdi. Sondyqtan, arnaıy qosymshalar iske qosyldy. Onda kelip túsken ótinishti der kezinde qarap, oń sheshimin shyǵaramyz. Emdelýshilerge sala mamandarynan keńes alýǵa da múmkindik qarastyrdyq», - dedi «Áleýmettik medısınalyq saqtandyrý qory» KEAQ Qyzylorda oblysy boıynsha fılıalynyń dırektory Baqyt Ismahanbetov.
Aıta keteıik, MÁMS júıesi jarna mólsherine qaramastan, barlyq saqtandyrylǵan adamdardyń qyzmetter paketine teń qoljetimdiligine negizdelgen. Iаǵnı, múmkindigine qaraı tólem jasaǵan ár azamat qajetine qaraı, MÁMS sheńberinde medısınalyq kómek alý úshin júgingen kezde em alady, medısınalyq qyzmetterdiń kólemi men quny shektelmeıdi.
