Vıolonchelden shyqqan áýenmen Ksenııa Pankratova Sibeniń betinde syrǵanady. Ádemi kórinis. Elimizdiń kórikti jerlerin áýezdi áýenmen, myń buralǵan bımen tanytýdy maqsat etken olardyń áli de tyń jobalary bar kórinedi.
– Abaıdyń týǵan jerinde «Kózimniń qarasyn» oryndadym. Ertistegi kópirdiń bıigine shyǵyp alyp oryndaǵan soń ba, eldiń nazaryn birden aýdardy. Sodan keıin Sibe kóliniń kórkin kórseteıik dep muz betinde «Aq Baıandy» oryndadym. Bolashaqqa da osyndaı joba-josparlar bar, – dedi jas ónerpaz Baǵjan Oktıabr.
Qazaqtyń ánderine jazylǵan áýenderdi qazaqtyń kórikti jerinde oryndaýdyń da maqsaty bar. Iаǵnı qazaqtaı eldi, keń baıtaq jerdi Baǵjannyń áýeni, Ksenııanyń bıi arqyly álemge tanytý. Bul jobany oblystyń týrıstik aqparattyq ortalyǵynyń mamandary uıymdastyryp, vıolonechelıst Baǵjan Oktıabr men mánerlep syrǵanaýshy Ksenııa Pankratovany Almatydan arnaıy shaqyrtqan.
Kópirdiń bıigi men muz aıdynyndaǵy kórinis beınege túsirilip, áleýmettik jelilerde tarady. Kórgender jyly lebizin bildirdi. Alaıda Ksenııa Pankratovanyń aıtýynsha, kún raıy buzylyp ketpegen jaǵdaıda budan da keremet kórinis bolar edi.
– Qymbatty jerlesterim, osyndaı sulý tabıǵatty kózdiń qarashyǵyndaı saqtaýymyz kerek. Bizdiń ónerimizge qurmet bildirip, shaqyryp jatqan Shyǵys Qazaqstannyń halqyna rahmet, – dedi K. Pankratova.
Aıtqanyndaı, meımandar kelgen kúni kógildir muzdyń betin appaq qar basyp qalǵan. Sondyqtan da, muzdyń belgili bir aýmaǵyn qolmen tazalaýǵa týra keldi. Ázirshe, bul úlken jobanyń basy.
Shyǵys Qazaqstan oblysy
