Erkinqala aýylynda boı kóteretin jańa meshittiń irgetasyn qalaýǵa qatysqan Qazaqstan musylmandary dinı basqarmasynyń tóraǵasy-bas múftı Naýryzbaı qajy Taǵanulynyń aıýtynsha, ǵıbadat úıi Qaıtpaı Sultannyń atymen atalady.
«Halqymyzda «Azany bar aýyl azbaıdy» degen naqyl bar. Meshit – barsha jaqsylyqtyń toǵysqan qutty mekeni. Bul qulshylyqtyń ǵana emes, rýhanı hám mádenı-aǵartý, birlik pen berekeniń oshaǵyna aınalady degen senimdemin. Jańa meshit salt-dástúrimizdiń, taǵylymǵa toly tarıhymyzdyń nasıhatshysy, ári qaıyrymdylyqtyń ortalyǵy bolady. Paıǵambarymyz Muhammed (oǵan Allanyń salaýaty men sálemi bolsyn) óziniń qasıetti hadıs-sharıfinde «Alla Taǵala meshitti jaqsy kórgen pendeni jaqsy kóredi» degen. Sizder meshitti jaqsy kórgendikten, Alla úıin turǵyzýǵa úles qosyp otyrsyzdar. Haq Taǵala mol saýaptan jazsyn» dedi bas múftı Naýryzbaı qajy Taǵanuly.
Kásipkerlerdiń qoldaýymen bir jylda salynatyn meshitte Quran oqý bólmesi, erler men áıelderge arnalǵan namaz oqý zaly, dárishana qarastyrylyp otyr. Meshit janynan ashana, ımam úıi boı kóteredi.
