Bul úshin «Qulsary», «Maqat», «Jańaqala» kompressorlyq stansalarynda jedel aýystyryp qosý júrgizildi, bul gaz aǵyndaryn «Ortalyq Azııa – Ortalyq» magıstralinen «Soıýz» jáne «Orynbor – Novopskov» gaz qubyrlaryna qaıta baǵyttaýǵa múmkindik berdi.
«QazTransGaz» AQ jumyskerleri tez qabyldaǵan sharalar Batys Qazaqstan oblysynda 28 gaz taratý stansasynyń, 2 gaz týrbınaly elektr stansasynyń jáne 1 jylý energetıkalyq stansasynyń, Atyraý oblysynda 21 gaz taratý stansasynyń, 1 jylý elektr stansasynyń jáne 1 gaz týrbınaly elektr stansasynyń turaqty jumysyn qamtamasyz etýge múmkindik berdi. Osylaısha, elimizdiń joǵaryda atalǵan oblystarynda tutynýshylardyń barlyq sanaty úshin taýarlyq gazdy úzdiksiz berý qamtamasyz etildi.
«Beıneý–Bozoı–Shymkent» magıstraldyq gaz qubyry arqyly gaz tasymaldaýdyń turaqty rejimin saqtaý jáne Qazaqstannyń basqa óńirlerin úzdiksiz gazben jabdyqtaýdy qamtamasyz etý úshin Ulttyq gaz operatory «Bozoı» jerasty gaz qoımasynan gaz irikteýdi ulǵaıtty. Budan basqa, «Buhara-Oral» gaz magıstraliniń kompressorlyq stansalarynda qosymsha 5 gaz aıdaý agregattary iske qosyldy.
«QazTransGaz» AQ-tyń paıdalaný brıgadalarynyń jedel jumysynyń nátıjesinde Qazaqstannyń batys óńirinde taýarlyq gazdy jetkizý boıynsha eshqandaı shekteýler bolǵan joq, gaz tasymaldaý júıesiniń barlyq obektisi, sondaı-aq jylý jáne energııamen jabdyqtaý obektileri shtattyq rejimde jumys istep jatyr.
