Sońǵy táýlikte óńirde 67 adam qar qursaýynan qutqaryldy. Onyń ishinde 7 bala bar. Respýblıkalyq jáne oblystyq mańyzdaǵy joldardyń barlyq ýchaskelerinde qozǵalys toqtatylyp, aldyn ala eskertý jasalǵanymen, jolǵa shyǵyp, qar qursaýynan túsip, ózderi de, qutqarýshylar da beınetke batýda. Qutqarýshylar jergilikti atqarýshy organdarmen jáne polısııa qyzmetkerlerimen birlesip jolaýshylardy qutqarý jumysyn júrgizdi. Tııanaqty jumystyń nátıjesinde jolda qalǵan jetpiske jýyq jolaýshy qaýipsiz oryndarǵa jetkizildi.
Oqys oqıǵalardyń kóbirek oryn alǵan jeri Býrabaı aýdanyndaǵy Shýche qalasynyń mańy. At qulaǵy kórinbeıtin alapat boran soǵyp tursa da jolǵa shyǵyp, kólikteri qasat qarǵa keptelip, tońyp-jaýraǵan jolaýshylar jylytý pýnkterine ornalastyryldy. Shýche-Kókshetaý baǵytyndaǵy jol ústinde qalǵan 65 jeńil avtokólik qardan arshylyp alyndy. Shalǵaıdaǵy Jaqsy aýdanynyń Podgornoe aýyly mańynda júkti áıeldi qutqarýshylar Jaqsy aýylyndaǵy aýrýhanaǵa jetkizdi.
Onyń aldynda ǵana Kókshetaý-Zerendi baǵytynda qatty borannyń saldarynan eki kólik bir-birimen soǵysyp, eki jolaýshy opat boldy, tórteýi dene jaraqatyn aldy. Tótenshe jaǵdaılar departamentiniń qyzmetkerleri boran-shashynda jolǵa shyqpaý kerek ekendigin qaıta-qaıta eskertip jatyr. Eskertýdi eleı bermeıtinimiz jaman.
