Esirtki qylmysyna qarsy is-qımyl basqarmasynyń bastyǵy, polısııa polkovnıgi Jandos Basybaev pen bólinistiń jedel ýákili Sultanǵazy Bilálov úılerdiń qabyrǵalarynda esirtki graffıtıleri paıda bolǵan kezde qaıda júginýge bolady, esirtkini jasyrýshylardy qandaı belgileri boıynsha tanýǵa bolady degen sııaqty jeli qoldanýshylardyń suraqtaryna jaýap berdi. Jandos Basybaev 2020 jyly 195 esirtki qylmysy, onyń ishinde esirtki men psıhobelsendi zattardy ótkizýdiń 49 faktisi anyqtalǵany jaıly aqparat berdi. «Zańsyz aınalymnan 462 kılogrammnan astam túrli esirtki zattary alyndy. Sıntetıkalyq esirtkilerdi taratýmen aınalysqan 6 ınternet dúkenniń joly kesildi», dedi ol.
Soltústik Qazaqstan oblysynda ınternette sıntetıkalyq esirtkilerge jarnama jasaýmen aınalysqan fıgýrant qylmystyq jaýapkershilikke tartylyp, 4 jylǵa bas bostandyǵynan aıryldy. Jyl basynan 36 esirtki qylmysy anyqtaldy.
