24 aqpan kúni tańerteń turǵyn úı páterleriniń birinde zorlyqpen óltirý belgileri bar 3 adamnyń denesi tabylǵany týraly habar túsken. Polıseıler qaza bolǵandardyń tulǵasyn anyqtady. Kóz jumǵandardyń barlyǵy beıáleýmettik ómir súrý daǵdysyn ustanǵan jáne ishimdikke áýes bolǵan. Qylmysty jasady degen kúdikpen olardyń tanysy ustaldy.
Sol kúni barlyǵy qosylyp, spırtti ishimdikter ishken. Kúdikti qylmys jasaǵannan keıin oqıǵa ornynan qashyp ketken. Al qylmys quralyn laqtyryp jibergen.
Biraq polıseıler ony bir táýlik ishinde izdep-tapty. Ol qylmysyn moıyndady.
Kúdikti – buǵan deıin buzaqylyq úshin isti bolǵan, Eskeldi aýdanynyń 26 jastaǵy turǵyny. Qazirgi ýaqytta ýaqytsha ustaý abaqtysyna qamaldy, aıǵaqzat tárkilendi.
QR Qylmystyq kodeksiniń 99-baby, 2-bóligimen sotqa deıingi tergep-tekserý amaldary bastaldy. О́zge aqparat tergeý múddesine oraı jarııalanbady.
