Qys qystaýyn, jaz jaılaýyn jaılap jatqan qazaqtyń jerine Ekinshi dúnıejúzilik soǵys jyldary túrli ult ókilderi qonys aýdara bastaǵan. Qaıdan kelip, qaıda turǵanyn bilmeı ańtarylǵan eldi kórgende qazaq eli bótensimeı, tórge ozdyrdy. Aıaqtan turyp ketýlerine septesti. Úı-jaıyn kóterýge kómektesti. Qazaqtyń qarapaıymdylyǵynyń arqasynda bizdiń babamyz da qazaq eline tez sińisip ketti.
Meniń týǵan atam men apam – Nıkolaı Egorovıch pen Marııa Grıgorevna Reseıdiń Altaı ólkesinen Qazaqstannyń shyǵysyna 1950-jyldary taban tiregen. Tegi, tabıǵaty uqsas bolǵandyqtan shyǵar, bul aımaqqa qýana-qýana kóship kelipti. Altaı ólkesinde sovhoz basqaryp júrgen atam Nıkolaı Qazaqstanǵa kelgen soń da sol qyzmetin jalǵastyrypty. Qyzmet ete júrip, О́skemen óńirinde urpaǵyn órbitti, zeınetke shyqty.
Ol soǵys ardageri edi. Atam ómirden ótkenimen, nemerelerine ósıet retinde Qazaq eliniń qushaq jaıa qarsy alǵandyǵy týraly estelik aıtyp otyratyn. Qazaq halqynyń baýyrmal ekenin atamnyń áńgimesinen ǵana emes, búgingi kúnde de kórip júremin. Arǵy tegim Reseıden bolǵanymen, meniń Otanym – Qazaqstan. Ol daýsyz. Atam sol bir alasapyran zamandy kóp esine alǵysy da kelmeıtin.
Atam men apam Shyǵys Qazaqstanǵa kóship kelgende ózderin ózge elge kelgendeı sezinbepti. Jergilikti turǵyndarmen etene aralasyp ketken. Elýinshi jyldary bastalǵan aralas-quralastyq áli úzilgen joq.
Meniń ultym orys bolǵanymen, boıymda qazaqylyq bar. Ony Reseıge barǵanda anyq sezemin.
Búginde úsh bala tárbıelep otyrǵan baqytty anamyn. Qazaqy mádenıetti, salt-dástúrdi boıyma sińirip alǵanymnyń bir dáleli – dastarqanymnan baýyrsaq, qurt-irimshik úzilmeıdi. Qudaı osyndaı aýyzbirshiligimiz jarasqan beıbit ómirden aıyrmasyn.
Vera PRAVDINA,
О́skemen qalalyq orys mádenı ortalyǵynyń tóraıymy
Shyǵys Qazaqstan oblysy
