Bul kúni óskeleń urpaqty dostyqqa, toleranttylyqqa, otansúıgishtikke tárbıeleýdiń, etnosaralyq kelisimdi nyǵaıtýdyń qanshalyqty mańyzdy ekeni aıshyqtala kórinedi. Al alǵys aıtý degenimiz – bizdiń bir-birimizge degen ıgi nıetimizdi, yqylasymyzdy, dostyǵymyzdy bildirý.
Qazaqstan – ár jerden kóship kelgen ózge etnos ókilderin qushaq jaıa qarsy alǵan memleket. Al dál osy kún barlyq etnostar Qazaqstanǵa, qazaq halqyna degen alǵystaryn bildirýi atalǵan merekeniń negizgi mánin aıqyndaıdy.
Keıde «Bul kún ne úshin kerek?» degen saýal qoıylyp jatady. Men buǵan bylaı jaýap berer edim: «Biz keıde elimizge, ózimiz jaqsy kóretin jandarǵa, dostarymyzǵa alǵys aıtýdy umytyp ketip jatamyz. Al osy 1 naýryz – Alǵys aıtý merekesi bizge alǵys aıtýdyń qashanda kerek ekendigin eske salyp otyrady. Sondyqtan da bizge Alǵys aıtý kúni kerek».
Osy alǵys aıtý kúni týraly elimizdiń Tuńǵysh Prezıdenti Nursultan Nazarbaev «Qazaqstan halqy Assambleıasy qurylǵan kún, ıaǵnı 1 naýryzdy jyl saıyn barlyq etnostyń bir-birine jáne meıirbandyq tanytyp, ol adamdardy óz týǵanyndaı qabyldaǵan qazaqtarǵa Alǵys aıtý kúni retinde atap ótýi ádiletti bolar edi. Bul kún bizdi burynǵydan da jaqyndastyra túspek. Bul kún – meıirimdiliktiń, búkil qazaqstandyqtardyń bir-birine degen dostyǵy men mahabbatynyń jarqyn merekesi bolar edi» degen bolatyn.
Men anama – ómir syılaǵany úshin, ákeme – qorǵan bolǵany úshin, atam men ájeme – ystyq alaqany úshin, Otanyma – saıa bolǵany úshin alǵysymdy bildirgim keledi.
Árdaıym aınalamyzǵa meıirimimizdi tógip, alǵys aıtyp júreıik.
Delnaz MENSEITOVA,
11-synyp okýshysy
Batys Qazaqstan oblysy,
Tasqala aýdany,
Aktaý aýyly
