- Bir jyl buryn sanıtarııalyq dárigerler men epıdemıologtar jańa jaǵdaımen betpe bet keldi. Pandemııa búkil álemge adam ómiri men densaýlyǵynan qundy eshteńe joq ekenin aıqyn kórsetti. Sonymen qatar, jaýapkershilik, ózińiz týraly umytyp, basqa bireýdi qutqarý úshin barlyq kúsh-jigerińizdi bere bilý, bul qasıetter árqaısyńyzǵa tán. Eńbekqorlyq tanytyp, bizdiń ortaq isimizge jan salýǵa daıyn bolǵandaryńyz úshin rahmet. Bul kúni biz óz jetistikterimizdi, úlken jeńisterimizdi, kúndelikti tabystarymyzdy, óz áriptesterimizdi de maqtan etýge quqylymyz, - deıdi J.Bekshın.
Sanıtarııalyq-epıdemıologııalyq baqylaý departamentiniń basshysy Jandarbek Bekshın quttyqtaý sózinde áriptesterine alǵys aıtyp qana qoımaı, Almaty qalasynyń barlyq turǵyndaryna óz densaýlyǵyn kútip, baqytty bolýdy tiledi.
