Alqaly basqosýǵa pedagogıkalyq joǵary oqý oryndarynyń oqytýshylary, elimizdegi bilim berý uıymdarynyń muǵalimderi men qyzmetkerleri qatysyp, taqyryp tóńireginde óz oılarymen bólisti.
Jıyndy Pedagogıka jáne psıhologııa joǵary mektebi dırektorynyń mindetin atqarýshy Lázzat Orazaeva ashyp, búgingi kúnde «О́zin-ózi taný» páni muǵalimderi arasynda dıalog júrgizý mańyzdy bolyp otyrǵanyn atap ótti. Sondaı-aq ol qazirgi kúndegi bilim berýdegi ózgerister qazirgi zamanǵy mamannyń jańa talaptaryn aıtty.
Jıyn barysynda Almaty qalasyndaǵy Ádı Sháripov atyndaǵy №16 mekteptiń «О́zin-ózi taný» pániniń muǵalimi Kelbet Qabdrashıtova «О́zin-ózi taný» páni muǵalimderiniń qashyqtan bilim berýdegi mekteptegi jumys tájirıbesi»,Shyǵys Qazaqstan oblysy Zaısan aýdanyndaǵy «Jarsý» orta mektebiniń muǵalimi Gúlbarshyn Satıeva «О́zin-ózi taný» páni boıynsha jobalyq is-áreketti qashyqtan uıymdastyrý» taqyryptarynda baıandama jasady.
Sonymen qatar basqosýǵa qatysýshylar «О́zin-ózi taný» sabaqtaryndaǵy shyǵarmashylyq jumys», «Tulǵa qalyptastyrýda qashyqtan bilim berýdegi problemalardy sheshý joldary», «Qashyqtan oqytý barysynda «О́zin-ózi taný» pánin oqytýdyń erekshelikteri», «Qashyqtan oqytý kezeńinde ózin-ózi taný sabaqtaryn sapaly ótkizýdi uıymdastyrý» taqyryptary tóńireginde keleli oılarymen bólisti.
Qyzdar ýnıversıteti kolledjiniń «О́zin-ózi taný» pániniń muǵalimi Eldos Aıdarhanov qashyqtan oqytý jaǵdaıynda rýhanı adamgershilik bilim berý baǵytyndaǵy tıimdi ádister týrasynda áńgimelep,ózin-ózi taný sabaǵyn tıimdi júrgizýdiń ádis-tásilderimen bólisti.
