Mereke kúni Eńbekmıniniń kásipodaq músheleri Nur-Sultan qalasynda turatyn ataýly áleýmettik kómek alatyn 8 tabysy az otbasyna baryp, olarǵa «Magnum» saýda jelisiniń dúkenderinen azyq-túlik satyp alý úshin syılyq sertıfıkattaryn tabys etti.
Eńbekmıniniń ujymy barlyq qazaqstandyqtardy osy tamasha merekemen quttyqtaıdy jáne árbir otbasyna myqty densaýlyq, baqyt jáne amandyq tileıdi.
Esterińizge sala keteıik, Alǵys aıtý kúni 2016 jyly QR Tuńǵysh Prezıdenti – Elbasy Nursultan Nazarbaevtyń bastamasymen bekitilgen bolatyn. Bir jyl buryn, Qazaqstan halqy Assambleıasynyń 22-shi sessııasynda Elbasy Alǵys aıtý kúnin atap ótýdi usyndy jáne bul kúni elimizdiń túrli etnostarynyń ókilderi Qazaqstanǵa jer aýdarylǵan jyldary tózimdilik pen qonaqjaılyq kórsetkeni úshin qazaqtarǵa jáne bir-birine alǵys aıta alatynyn atap ótti.
Alǵys aıtý kúni – Qazaqstanda júrgizilip jatqan beıbitshilik pen kelisim saıasatynyń, sondaı-aq kópultty halqymyzdyń ortaq tarıhı jadynyń sımvoly.
