MEDISINA ÝNIVERSITETINIŃ SYIY

Tasqynnan zardap shekken Qyzylaǵash aýylynyń tur­ǵyn­daryna kórsetilgen qaıyrym­dy­lyq sharalarynan joǵary oqý oryndarynyń ujymdary da syrt qalmaı keledi. Alma­ty­daǵy S.Asfendııarov atyn­daǵy Qazaq ulttyq medısına ýnı­versıtetiniń ujymy bir kún­dik jalaqylaryn jınap, medısı­na­lyq kómek kórsetetin qu­raldarmen jabdyqtalǵan “Je­del járdem” avtokóligin satyp alyp, osyndaǵy dári­ger­lik ambýlatorııaǵa syıǵa tartty. Qyzylaǵash aýylyna ar­naıy kelgen ýnıversıtet rek­to­ry Aıqan Aqanov bastaǵan, quramynda akademıkter Tóre­gel­di Sharmanov, Kamal Or­man­taev bar delegasııa turǵyn­dar­ǵa basqa túsken aýyrt­pa­lyq­qa bekem bolyp, el irge­si­niń beriktigi arqyly qıyndyq­tardy eńsere alatyndyqtaryn jetkizdi. Búginde eldi mekende 280 úıdiń qabyrǵasy qalansa, 67 úıdiń shatyry jabylyp, ishki árleý jumystary jalǵasqan. Aqtoǵan men Eginsý aýyl­da­rynda da qurylys qarqyn al­dy. Aqtoǵanda 32 úıdiń irge­ta­sy, 11 úıdiń kirpishi qalansa, 2-ýi bitýge jaqyn.  Eginsýda da 22 úıdegi qurylys jumys­ta­ryna 200-den astam sáýlet zer­gerleri tartylyp, baspanasyz qalǵan turǵyndardyń surany­syn oryndaýǵa kúsh salýda. Kúmisjan BAIJAN. Almaty oblysy. KО́MEGIMIZDI USYNDYQ Qyzylaǵashtaǵy sý tasqy­ny­nan bolǵan apat aqjaıyq­tyq­tar­dyń da janyna batty. Hal­qymyzda ejelden kele jat­qan bir jaqsy qasıet bar. Ol – ózgeniń qaıǵysyn óz qaı­ǵy­syndaı kóre­tin, qolushyn be­rip, kómek kórsetýge ázir turatyny. Oqıǵany estigen boı­da-aq aýdan turǵyndary ju­dyryqtaı jumyldy. Oǵan “Nur Otan” HDP aýdandyq fı­lıaly men máslıhat depý­tat­tary uıytqy boldy. Sonyń ná­tıjesinde 3 mıllıon 85 myńnan asa teńge jınalyp, so­ny zardap shekken baýyr­larǵa jiberdik. Mun­daı kómek qolyn sozý aldaǵy ýaqytta da jalǵasa beretin bolady. Dáýletjan JAQSYBAEV, aýdandyq máslıhat hatshysy. Batys Qazaqstan oblysy, Aqjaıyq aýdany.