Analardyń alǵysyna bólenip júrgen abzal jan – qalada koronavırýs ınfeksııasy órshigin kezde ınfeksııalyq aýrýhanada eń alǵashqylardyń biri bolyp júkti áıelge ota jasaǵan akýsher-gınekolog. Qaýipti ınfeksııaǵa shaldyqqan áıeldiń ómirin aman alyp qalý úshin bilikti mamandy juqpaly aýrýlar aýrýhanasyna arnaıy shaqyrtqan.
Akýsher-gınekolog aýyr jaǵdaıdaǵy 21 jastaǵy júkti kelinshekke kesir tiligi arqyly ota jasap, ana men balanyń ómirin aman alyp qalǵan. Kovıdke shaldyqqan áıel deni saý qyz balasyn dúnıege ákelgen bolatyn. Dáriger indet kezinde qalalyq perzenthana janynan ashylǵan provızorlyq ortalyqta naýqastarǵa medısınalyq kómek kórsetken.
Ana men balanyń densaýlyǵy basty nazarda ekenin aıtqan dáriger perzenthana qyzmetkerleri úshin táýliktiń ár mınýty men saǵaty qarbalas sátpen jalǵasatynyn atap ótti.
«Adamnan adam shyǵý árqashan da ońaı emes, bul óte mańyzdy ári qaýipti sát. О́z jumysymdy súıispenshilikpen atqaramyn. Sondyqtan ınfeksııa órshigen tusta jumystan alshaqtamaı, kerisinshe táýliktep, otabasymnan shyraqta júrip jumys istedim. Muny maqtan etpeımin. Bul meniń halyq aldyndaǵy mindetim dep bilemin», deıdi J.Danııarov.
Jarkynbek Jaqypbekuly eńbek jolynda 3 myńǵa jýyq áıeldi bosandyryp, balanyń dúnıe esgin ashýǵa kómektesken. Onyń ishinde 1 myńnan astam anany kesir tiligi arqyly bosandyrǵan.
