Jekpe-jek 7 mamyr kúni Tehas (AQSh) shtatynda ótedi. Bul kezdesý týraly eki boksshynyń komandasy birneshe aptadan beri kelissóz júrgizip jatyr eken. Mýngııa – birinshi orta salmaqtaǵy álemniń burynǵy chempıony. Ol Golovkınniń salmaǵynda eki kezdesý ótkizgen. Tarqatyp aıtsaq, Mýngııa ırlandııalyq Gerı O'Sallıvandy keıin Bagam araldarynyń ókili Týreano Djonsondy jeńgen.
Basylymnyń jazýynsha, qazaqstandyq boksshy Demetrıýs Andrademen kezdese almaıdy. Sebebi, amerıkalyq boksshy aldaǵy ýaqytta mindetti qarsylasy Lıam Ýılıamsqa qarsy kezdesý ótkizedi. Eske salaıyq, Golovkın óziniń sońǵy kezdesýin jeltoqsan aıynda AQSh jerinde ótkizip, polshalyq Kamıl Sheremetany (21-1, 5 KO) nokaýtpen jeńdi. Osy kezdesýde qazaqstandyq boksshy álem chempıony ataǵyn 21 ret qorǵap, rekord ornatty.
