Eki apta buryn, 15 aqpannan bastap INVIVO KDZ baǵasyn 9 000 teńgeden 6500 teńgege deıin tómendetti. OLIMP KDZ málimetteri boıynsha, zertteý qunyn tómendetý analızatorlar parkin odan ári keńeıtý jáne jańa PTR zerthanalarynyń qýatyn arttyrý arqyly múmkin boldy. INVIVO-da zerthanalardyń qýatyn arttyrý jáne óndiristik prosesterdi ońtaılandyrý boıynsha jumystar júrgizilgennen keıin baǵanyń tómendeýi múmkin boldy.
Esterińizge sala keteıik, 2020 jylǵy qazanda Memleket basshysynyń tapsyrmasy boıynsha BQDA COVID-19-ǵa PTR-testileý naryǵyndaǵy baǵalarǵa monıtorıng jáne salystyrmaly taldaý júrgizdi, nátıjesinde BQDA naryqtyń jeke jáne memlekettik qatysýshylaryna KVI-ǵa PTR-testiler qunynyń baǵa dıapazonyn qaıta qaraýdy usyndy, ol 18 000 teńgeden 11 500 teńgege deıin aýytqıdy jáne ony qoldaný baǵany 9 000 teńgege deıin tómendetýge múmkindik beretin ashyq saýda-ótkizý saıasatyn kózdeıtin monopolııaǵa qarsy komplaens jasasýdy usyndy.
Tutastaı alǵanda, Qazaqstan naryǵynda COVID-19-ǵa PTR-testileýdi shamamen 36 sýbekt júrgizedi, bul rette negizgi naryqtyq úleske respýblıka boıynsha fılıaldary bar 3 kompanııa ıe: «OLIMP «KDZ» JShS (61%), «Ulttyq saraptama ortalyǵy» ShJQ RMK (12%) jáne «INVIVO» JShS (5%). Qalǵan 22% naryqtyq úles 33 óńirlik zerthanaǵa (jeke jáne memleket qatysatyn) tıesili.
2020 jylǵy qazanda BQDA jáne onyń aýmaqtyq bólimsheleri naryqqa qatysýshylarmen Qazaqstan Respýblıkasy Kásipkerlik kodeksiniń 195-babyna sáıkes 9 000 teńgeden aspaıtyn bosatý baǵasyn belgileı otyryp, 36 naryq sýbektisimen monopolııaǵa qarsy komplaens jasaý boıynsha jumys júrgizdi. Bul rette, «Suńqar» JShS jáne «Áıgerim» JShS jeke zerthanalary baǵany tıisinshe 6 000 jáne 7 000 teńgege deıin tómendetti.
BQDA KVI PTR-testileý naryǵynyń sýbektilerimen buryn jasalǵan komplaens boıynsha jumysty jalǵastyryp jatyr jáne aı saıyn baǵa monıtorıngin júrgizedi.
