«Kelisim jobasynda 2024 jyldan bastap ındıkatıvtik mólsherleme men odan aýytqý dıapazondaryn qoldaný; EEK Keńesine aksızderdiń ındıkatıvtik mólsherlemelerin bekitý jáne negizdelgen ekonomıkalyq oryndylyǵy bolǵan jaǵdaıda olardy ózgertý boıynsha ókilettikter berý kózdeledi», - dedi Májilistiń plenarlyq otyrysynda QR Ulttyq ekonomıka mınıstri Áset Erǵalıev.
Aksızder mólsherlemelerin jaqyndastyrý 2024 jyldan bastap júzege asyrylatyn bolady. Árbir bes jyl saıyn biryńǵaı ındıkatıvtik mólsherleme jáne odan aýytqý dıapazony belgilenedi.
Ulttyq ekonomıka mınıstri habarlaǵandaı, 2024 jyly sıgaretterge qatysty ındıkatıvtk mólsherleme 1000 dana úshin 35 eýroǵa balamaly mólsherde ulttyq valıýtada belgilengen. Úılesimdilikke qol jetkizý maqsatynda sıgaretterge arnalǵan aksızderdiń naqty mólsherlemeleri 2024 jyly ındıkatıvtik mólsherlemeden 20 prosentten aspaı, az jaǵyna jáne kóbirek jaǵyna aýytqýy múmkin.
«Zań jobasy temeki ónimderine arnalǵan aksız mólsherlemeleriniń ulǵaıýy esebinen bıýdjetke qosymsha túsimdi qamtamasyz etedi. Kelisim Eýrazııalyq ekonomıkalyq odaqqa múshe memleketterdiń aýmaǵynda temeki ónimderiniń aksızin salý salasynda biryńǵaı praktıka qoldanýdy qamtamasyz etýge múmkindik beredi», - dedi Áset Erǵalıev.
