Eske sala ketý kerek, agent bank retinde tańdap alynǵan «Eýrazııalyq bank» AQ arqyly «AsiaCredit Bank (AzııaKredıt Bank)» salymshylaryna kepildik ótem tóleý 2021 jyldyń 24 aqpanynda bastalǵan bolatyn. Ol 2022 jyldyń 1 mamyryna deıin jalǵasatyn bolady. Osy kórsetilgen merzim ishinde salymshylar agent banktiń bólimshelerine baryp, ótem alýǵa ótinish bere alady. Agent banktiń barlyq qalalardaǵy fılıaldary men bólimsheleriniń mekenjaılary jáne jumys isteý tártibi www.eubank.kz resmı saıtynda qoljetimdi.
Salymshylar kepildik berilgen ótemdi ózderine yńǵaıly tásilmen: agent banktiń kassasynan qolma-qol aqshamen, sol agent bankte bank shotyn (kartochka) ashý nemese kez kelgen basqa bankke aýdarý arqyly alýǵa quqyly.
Depozıtter boıynsha kepildikter jáne kepildik berilgen ótemdi tóleý týraly jalpy aqparattar Qordyń www.kdif.kz saıtynda qoljetimdi. Salymshylar aqyl-keńes alý úshin 1460 telefon nómiri, sondaı-aq QDKBQ saıtyndaǵy chat, @kdif_ask Telegram-chaty, Qordyń Facebook jáne Instagram áleýmettik jelilerindegi deposit.kz resmı paraqshalary, sondaı-aq info@kdif.kz elektrondyq poshtasy arqyly habarlasa alady.
