Sonyń ishinde 300-ge deıin oqýshysy bar qala men aýyl mektepteri qalypty jaǵdaıda oqýdy jalǵastyrady. 9, 11-synyp oqýshylary da burynǵy qalypta qalady, atap aıtqanda, olardyń oqıtyn pánderiniń 70 paıyzy shtattyq, al 30 paıyzy qashyqtan oqý rejiminde bolady. Synyptarda 15 baladan artyq bolmaýy da qadaǵalanady.
Eń basty ózgeris – 1-5-synyptarda. Erteńnen bastap ondaǵy oqýshylar quramy tolyq formatta oqytylady. Munyń mánisi sol, oqýshylar tegis keledi. Tek balalarynyń dertke ushyraýy sebepti qashyqtan oqytýdy qalaǵan ata-analardyń tilegimen ǵana úıden oqytýǵa bolady. Mektepter eki aýysymda oqytýǵa da birden kóshpekshi. Birinshi aýysymda 1, 4, 9, 11 jáne ekinshi aýysymda 3, 4, 5-synyptar oqytylmaq. Al 6, 7, 8, 10-synyptar qashyqtan oqýdy jalǵastyrady.
Qaladaǵy Ábý Dosmuhamedov atyndaǵy daryndy balalarǵa arnalǵan mektep-gımnazııa sııaqty arnaýly mektepterde synyptardyń tolyq bolýyna ruqsat etilgen. Osy tártip barlyq mektep pen synyp jetekshilerine jetkizildi.
G.Kárimova bári de qulaqtandyrylyp, jańa tártipke kóshýdi bastaıdy degenimen, kóptegen ata-analar men jýrnalıster jańa tártipke kóshýdiń shuǵyl bolýyna narazalyq bildirdi. Bul jańalyqpen ata-analardy da qulaqtandyrý kerek ekendigi kóp aıtylýda. Shynynda, kóptegen ata-analar balalarynyń qashyqtan oqytylatynyna úırenip, ózderiniń jumys josparlaryn soǵan úılestirip qoıǵan. Endi aıaq astynan bilim basqarmasynyń mundaı sheshim qabyldaǵany barlyq ata-anaǵa jaısyz tıip jatyr. Budan kim ne utatyny belgisiz. О́zgeristerdiń bárin 20 kúndeı ǵana qalǵan kelesi toqsannan bastaǵany durys edi degen sózderdi de estidik.
Osy asyǵystyqtyń ózi durys sheshimderdi qabyldaýǵa degen yqylastyń joqtyǵyn kórsetip tur. Qaı kúnde de asyǵystyq jaqsylyqqa aparmaıtynyn jas basshylar bile bermeıtin sııaqty.
Soltústik Qazaqstan oblysy
