Asyl tuqymdy ara uıalary men olardyń ónimderin óńdeý kásiporyndarynyń bolmaýy, asyl tuqymdy omartalar sanynyń azdyǵy, materıaldyq-tehnıkalyq bazanyń jetkiliksizdigi jáne veterınarlyq qyzmet jumysyndaǵy kemshilikter sheshimin tabýǵa tıisti máselelerdiń qatarynda tur.
Senatordyń aıtýynsha, 2019 jyly 2 932 tonna bal óndirilip, olardyń tek 5%-y ǵana eksporttaldy. Salany damytýdy júıeli josparlaý, keshendi zertteýler, seleksııalyq jumysty júıeleý, sondaı-aq aýdandastyrylǵan jáne asyl tuqymdy omartalar jelisin qurý jaǵdaıdy jaqsartýy tıis. Maral ósirý sharýashylyqtaryna keletin bolsaq, depýtat ótken 30 jyl ishinde sharýashylyqtardaǵy janýarlardyń sany eki ese qysqarǵanyn atap ótti.
Senator ázirlenip jatqan Agroónerkásip keshenin damytýdyń 2022-2026 jyldarǵa arnalǵan ulttyq jobasy aıasynda memlekettik qoldaý kórsetýdi usynady.
«Bul salalardy qamtıtyn memlekettik baǵdarlamalar jáne «Aýyl – el besigi» arnaıy jobasy sheńberinde úılestirilgen sharalar, shalǵaıdaǵy, ásirese shekara boıyndaǵy halyqtyń ál-aýqatyn arttyrýǵa serpin bereri sózsiz», - dedi Dúısenǵazy Mýsın.
