Onlaın-semınarǵa Din isteri komıteti tóraǵasynyń orynbasary Ánýar Hatıev, atalǵan Komıtettiń Dintaný saraptamasy basqarmasynyń qyzmetkerleri jáne Almaty, Shymkent qalalalyry men Almaty, Túrkistan, Jambyl, Qyzylorda oblystarynyń sala mamandary qatysty.
Á.Hatıev óziniń alǵy sózinde dintaný saraptamasyn júrgizý salasynda mamandardyń zańdyq jáne kásibı turǵyda biliktiligin arttyrý qajettigi men salalyq mamandardyń ózara tájirıbe almasý alańyn odan ári jetildirýge qatysty óz oılarymen bólisti.
Sondaı-aq qoǵamnyń din salasyndaǵy zańnamalyq saýatyn jáne túsindirý jumystaryn odan ári jetildirý qajettigin atap ótti.
Semınar barysynda óńirlik Din isteri basqarmalarynyń jáne olardyń vedomstvalyq baǵynysty Din máselelerin zertteý ortalyqtarynyń qyzmetkerleri óńirdegi dintaný saraptamasyna qatysty ózekti problemalar men suraqtarǵa jaýaptaryn alyp, nátıjeli pikir almasty.
