Atap aıtqanda, Shetel tilderin oqytý ádistemesi kafedrasynyń oqytýshylary Aqshaıym Jalalova, Aqjarqyn Abýova, Nurgúl Qalıeva, Botakóz Sazaeva jáne Álııa Zadahanovanyń «Kóne túrkilerdiń dúnıetanymyndaǵy konseptiler júıesi» atty jobasy 2021-2023 jyldarǵa arnalǵan ǵylymı jáne ǵylymı-tehnıkalyq jobalar boıynsha granttyq qarjylandyrýǵa arnalǵan konkýrsta úzdik tanylǵan.
– Atalǵan joba Qazaqstan Respýblıkasy Bilim jáne ǵylym mınıstrligi Ǵylym komıtetiniń granttyq qarjylandyrý konkýrsy talaptaryna sáıkes dep tabylyp, 2021-2023 jyldar aralyǵynda ǵylymdy damytýdyń Bilim berý jáne lıngvıstıka salasyndaǵy ózekti máselelerdi zertteý baǵyty boıynsha júzege asyrylmaqshy, – deıdi jobanyń ǵylymı jetekshisi fılologııa ǵylymdarynyń doktory, professor Gúlbaný Qosymova.
Joba jetekshisi men joba oryndaýshylarynyń negizgi maqsaty Elbasynyń «Rýhanı jańǵyrý» baǵdarlamasy aıasynda kóne túrkiler dúnıetanymyndaǵy konseptiler júıesin anyqtap, ony Abaıdyń «Tolyq adam ilimi» tujyrymyna sáıkestendirip, qazaq dúnıetanymyndaǵy kórinisin negizdeý.
