Foto avtory: Maksım Zolotýhın
«Aqpannyń 1-i kúni bizdiń emhanalarǵa SPÝTNIK-V preparatynyń 1 750 dozasy jetkizildi, dál osynsha medısına qyzmetkeri 1 kezeńde ekpe aldy. Medısınalyq sebepterge baılanysty shettetilgender dárigerlerdiń ruqsatynan keıin egiledi. Úsh qyzmetker ózdiginen bas tartty. Revaksınasııa 22 aqpanda bastalyp, áli de jalǵasýda. Ekinshi komponentti 1 379 qyzmetker aldy. Naýryzdyń biri kúni Almatyǵa taǵy 10 800 doza vırýsqa qarsy vaksına jetkizilip, ekinshi kezeń bastaldy. 15 emhanaǵa taǵy 24 medısınalyq uıym qosyldy. Osylaısha, ekinshi kezeńge 39 emhana qatysýda. Qazir «qaýipti aımaqta» qyzmet etip júrgen medısına qyzmetkerleri ekpe alýda. Búgingi kúnge deıin 380 adamǵa vaksına egildi», dedi ol.
Sondaı-aq, spıker Almaty qalasynyń «sary» aımaqqa kóshýin eskere otyryp, karantın sharalaryn saqtaýǵa shaqyrdy.
«О́kinishke qaraı, epıdemıologııalyq jaǵdaı bizde «jasyl» aımaqtan «saryǵa» aýysty. Sondyqtan karantındik erejeler men normalardy saqtaý qajettiligi týraly taǵy da eske salǵym keledi – betperde kııý, óz densaýlyǵy úshin adamdar kóp jınalatyn oryndarǵa barmaý, áleýmettik qashyqtyqty saqtaý. Almatynyń «jasyl» aımaqta bolýyna jáne koronavırýs qaýpinen tezirek qutylýymyz úshin birge at salysaıyq», dedi Laýra Myrzaǵalı almatylyqtarǵa.
