- Ekpe alǵanyma 15-20 mınýttaı boldy. Eshqandaı áserin sezinip otyrǵan joqpyn, kádimgideı qalypty jaǵdaı. Budan qorqýdyń eshqandaı qajeti joq. Bizder bilim oshaǵynda jumys isteımiz. Aldyńǵy kezekte ekpe saldyrǵanymyz durys. Árbir sanaly azamat óziniń bolashaǵy úshin, aınalasyndaǵylardyń amandyǵy úshin vaksına alý kerek dep oılaımyn, - dedi Á.Múslimov atyndaǵy №101 mektep-lıseı dırektorynyń orynbasary Aıjan Álimova.
Oblysqa koronavırýs ınveksııasyna qarsy egiletin 6200 «Spýtnık V» dozasy keldi. Onyń 3600-i birinshi komponentte, 2600-i ekinshi komponentte egiletin bolady.
II kezeńde vaksına almaǵan medısına qyzmetkerlerine, muǵalimderge jáne juqtyrý qaýpi neǵurlym joǵary bolyp sanalatyn jumys oryndarynyń qyzmetkerlerine salynady.
Aıta keteıik, vaksınalaý eki kezeń boıynsha ótedi. Iаǵnı, alǵashqy komponentin alǵan adamǵa 21 kúnnen keıin ekinshi dozasy salynady.
