BAǴANY AIQYNDAÝDAǴY JÚIELILIK

Elordada Qazaqstan Úkimetiniń О́kildigi men “Nur Otan” HDP Innovasııalyq komıtetiniń uıytqy bolýymen “Baǵany naqtylaýdaǵy ózekti máseleler. Daǵdarys sabaǵy” degen taqyrypta dóńgelek ústel ótti. Basqosýǵa Aýyl sharýashylyǵy men Ekonomıkalyq damý jáne saýda mınıstrlikteriniń, Básekelestikti qorǵaý agenttiginiń, sondaı-aq, jetekshi shaǵyn jáne orta kásipkerliktiń ókilderi qatysty. Basqosýdy ashqan “Nur Otan” HDP hatshysy Sergeı Gromov “ba­ǵany naqtylaý – barlyq ekono­mı­ka­lyq qyzmet pen óndiristiń “ba­rometri” sanalatynyn, sol sebepti bul tek qana ekonomıkalyq qana emes, áleýmettik másele ekendigin atap ótti. Onyń aıtýyna qaraǵanda, buǵan dúnıe júzi elderindegi túrli áleýmettik qaqtyǵystar men túsi­nispeýshilikter aıqyn dálel bola alady. “Tutynýshy talabynyń qandaı ekeni belgili. Olardy taýar túriniń sanalýandyǵy men sapasynyń jo­ǵa­rylyǵy qyzyqtyrady. Iаǵnı, tu­tynýshylar birinshi kezekte taýar sapasynyń joǵary bolýyn talap etedi. Buǵan qosa, áleýmet­tik jaǵy­nan az qamtylǵan azamat­tarǵa eń qajetti tutyný taýar­lary­­nyń kez kel­gen túriniń qol­jetimdi bolýy aıryqsha mańyzǵa ıe. Al bul naryqtaǵy jaǵdaıdy retteýdi, oǵan memlekettiń arala­sýyn qajet etedi”, dedi S.Gromov óz sózinde. Sondaı-aq, ol azyq-túlik ryno­gynda ǵana emes, sol taýarlardyń saýda núktelerindegi qoljetimdiligi má­selelerinde de básekelestik tetiginiń berik ornyǵýy aıryqsha ról atqaratynyn atap ótti. Bul, ási­rese, aýyl sharýashylyǵy sala­syn­daǵy otandyq azyq-túlik ón­dirý­shiler úshin aıryqsha mánge ıe. Osy oraıda, bılik partııasy ishki jáne syrtqy rynoktaǵy jaǵdaıdy retteý baǵytynda arnaıy tujy­rym­damalyq qujat qabyldaýdy jón dep sheshipti. Atalǵan qujat saýda qyzmeti damýynyń strate­gııa­syn júzege asyrýdy maqsat tutpaq. Sol arqyly memleket, tutynýshy jáne taýar óndirýshilerdiń qyzyǵý­shy­lyǵy men ortaq qajettilikterin basshylyqqa almaq. Buǵan qosa, ishki jáne syrtqy rynoktaǵy azyq-túlik taýarlarynyń baǵasyn baqy­laý da aıryqsha nazarǵa alynatyn bolady. Dóńgelek ústelde kezinde ba­ǵa­ny júıelendiretin nusqaýlyq­tar­dyń kemshin túsip jatqany, ol úshin azyq-túlik rynogyndaǵy ba­ǵa­ny turaqtandyrýdyń tıimdi tetikterin jolǵa qoıý qajettigi de aıtyldy. Láıla EDILQYZY.