Bes gramdy quraıtyn gashısh dozasy 3000 teńgege satylǵan. Esirtki satýshynyń turǵylyqty jerin tekserý kezinde 189,46 gramm gashısh tabyldy.
«Ol kelesi dozany satý barysynda ustaldy. Ol qaǵazǵa erekshe ıisi bar jasyl untaq zatty orap jatty. Bul esirtkiniń qarapaıym oramasy. Endi biz onyń taýardy qaıdan jáne qalaı alǵanyn anyqtap jatyrmyz. Ustalǵan 43 jastaǵy er adamǵa qatysty sotqa deıingi tergeý QR QK-niń 297-babynyń 1-bóligi (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, olardy jóneltý ne ótkizý) boıynsha júrgizilýde. Ol Almaty qalalyq PD ýaqytsha ustaý ızolıatoryna qamaldy», dedi Almaty qalalyq PD Esirtki qylmysyna qarsy is-qımyl basqarmasynyń bastyǵy Erlan Álmaǵambetov.
