Mınıstr Shymkentke sapary kezinde shalǵaı ornalasqan eldimeken turǵyndarymen kezdesip, qalany sıfrlandyrý boıynsha atqarylǵan jumystarmen tanysty. Odan soń ákimdik ǵımaratynda qala ákimi Murat Áıtenovtiń tóraǵalyǵymen ótken májiliske qatysty. Mınıstr Shymkentke sapary kezinde shalǵaı ornalasqan eldimeken turǵyndarymen kezdesip, qalany sıfrlandyrý boıynsha atqarylǵan jumystarmen tanysty. Odan soń ákimdik ǵımaratynda qala ákimi Murat Áıtenovtiń tóraǵalyǵymen ótken májiliske qatysty.
Jıynda qalalyq sıfrlandyrý basqarmasynyń basshysy Áset Abdrahanov qaladaǵy sıfrlandyrý baǵytynda atqarylyp jatqan jumystardan habardar etip, aldaǵy josparlaryn aıtty.
О́tken jyly qaladaǵy ınternet jelisin jaqsartý maqsatynda mınıstrlikpen jol kartasy jasalǵan. Soǵan sáıkes, 3 kezeń boıynsha jumys jospary ázirlendi. 1-kezeńde 11 jer ýchaskesi ázirlenip, antenna-matchtalyq qondyrǵylar qoıyldy. Altyntóbe, Asar, Asar-2, Aqtas-2, Kókbulaq, Soltústik-batys, Dostyq, Turan, Aıkól jáne Shymkent sıtıdegi eki jerde bazalyq stansııa iske qosyldy. Ekinshi kezeńde 13 jer anyqtalyp, matchtalyq qondyrǵylar qoıý jumystary júrip jatyr.
Sonymen qatar, 30 qoǵamdyq orynǵa «Aqyldy kúnbaǵys» kesheni ornatyldy. Onda turǵyndar tegin wi-fi qoldana alady. Mundaı keshen jyl sońyna deıin qosymsha 30 orynmen tolyqpaq.
Basqarma basshysy budan ózge, bilim jáne densaýlyq salasynyń tolyǵymen elektrondy formatqa kóshirilgenin atap ótti. Qoǵamdyq kólikterde elektrondy bılettendirý júıesiniń engizilgeni, dıspetcherlik ortalyqtyń ashylǵany taǵy bar.
-Turǵynúı kommýnaldyq sharýashylyq salasyna qatysty 2 jobany qolǵa aldyq. Sondaı-aq, «Aqyldy jaıaý júrginshi joly», «Aqyldy eseptegish» sekildi jobalardy jasaý jospary tur. «Aqyldy kóshe shamdary» jobasyna sáıkes memlekettik-jekeshelik áriptestik aıasynda 303 kóshe jaryqtandyrylmaq. Nátıjesinde megapolısti jaryqtandyrý 70 paıyzdy quraıdy. «Sıfrly Qazaqstan» memlekettik baǵdarlamasyna sáıkes 100-ge tarta is-shara júrgiziletin bolady, - dedi Áset Abdrahanov.
Kúndelikti ómirde sıfrlyq sala aınymas bólshegimizge aınaldy degen Shymkent qalasynyń ákimi Murat Áıtenov bastalǵan jumystar óz merziminde sapaly aıaqtalýyn tapsyrdy. Halyqty aqparattyq-kommýnıkasııalyq tehnologııalarmen qamtamasyz etý, onyń ishinde ınternet jelisin damytý basty mindetterińiz. Bul rette baılanys qyzmetterin usynatyn provaıderler men mobıldik operatorlarmen kelissózder júrgizip, kórsetiletin qyzmetterdiń sapasyna erekshe nazar aýdaryńdar dep sala basshysyna júktedi.
О́z kezeginde, atalǵan vedomstvo basshysy Shymkenttegi nátıjeli jumystardy oń baǵalap, budan ári de aıtı, sıfrlandyrý salasyn jandandyrý qajettigin aıtty. "Pılottyq jobalardan negizgi jobalarǵa jyldam ótý kerek. Turǵyndarmen qarym-qatynasty nyǵaıtý kerek. Ortalyqtaǵy maman óńirdi jaqsy bilýi óte mańyzdy. Qurylysy júrip jatqan úılerge sý, gaz, jylý sııaqty, optıkalyq ınternet te tartylý kerek. О́zge qalanyń mamandarmen de tájárıbe almasyp, birge jumys jasaýǵa da bolady" dedi B.Mýsın.
