«Qylmystyq-atqarý týraly zańnamaǵa sáıkes, 2 táýlikten aspaıtyn kezdesý belgilengen tártippen beriledi. Kezdesýden shyqqan sottalǵandar 14 kúnge karantınge ornalastyrylady. Al, kezdesýge kelgen týysynyń koronavırýsqa qarsy PTR-test anyqtamasyn alǵan ýaqyty 5 kúnnen aspaýy tıis. Bul ózge sottalǵandardyń saýlyǵy úshin qolǵa alynyp otyr» deıdi Atyraý oblysy boıynsha qylmystyq-atqarý júıesi departamentiniń bastyǵy Manarbek Ǵabdýllın.
Onyń aıtýynsha, buǵan deıin karantın kezinde sottalǵandar týystarymen taksafon jáne beınebaılanys arqyly baılanysyp kelgen. Sondaı-aq, tergeýde otyrǵandardyń qorǵaýshylaryna kedergisiz kirip-shyǵýǵa jaǵdaı jasalyp, bilim alatyn sottalǵandarǵa onlaın-dárister júrgizilipti.
