Brıýsselde Eýropa turǵyndaryn vaksınalaý máselesin jedeldetip qolǵa alý qajettigi talqylandy. Chehııa men Vengrııa reseılik preparatty paıdalanýǵa daıyn ekendikterin jarııalady.
⠀
AQSh prezıdenti Djo Baıden Tehas pen Mıssısıpı shtatyndaǵy maska taǵý rejımin alyp tastaý aqylǵa qonbaıtyn sheshim dep synǵa aldy.
Gýbernatorlardyń qateligin aıtqan Baıden, vaksınasııa naýqany júrip jatsa da áli de saqtyq sharalaryna mán bergen jón dep sanaıdy.
⠀
Fransııanyń La-Mansh buǵazsyna jaqyn ornalasqan Pa-de-Kale aımaǵynda demalys kúnderine lokdaýn jarııalandy. Ázirge, mundaı shekteý sharasynyń qansha ýaqytqa sozylatyny belgisiz. Jergilikti bılik indet asqynyp bara jatqan soń osyndaı sheshim qabyldaǵan.
⠀
Germanııada naýryzdyń sońyna deıin lokdaýn jalǵasady. El bıligi osyndaı shekteý sharalary arqyly 16 federaldy aýmaqtyń ekeýinde vırýs juqtyrǵandar sany tómendeıdi dep boljaıdy. Mundaı tásildi Berlın birneshe aıdan beri qolǵa alyp keledi.
⠀
Danııa 65 jastan asqan azamattarǵa AstraZeneca vaksınasynyń qoldaný týraly sheshim qabyldady. El bıligi mundaı qadamǵa barýynyń basty sebebi Shotlandııada júrgizilgen zertteýlerdiń oń nátıjesimen baılanysty ekenin málimdedi.
Ulybrıtanııa bıligi elge koronavırýstyń «brazılııalyq» shtammyn ákelgen altynshy adamdy anyqtady. Alǵashqy bes adamdy birden tapqan. Al test qorytyndysynda indet juqtyryp kelgeni belgili bolǵan altynshy adam dárigerlerge meken-jaıy, jeke basyna qatysty málimetterdi qaldyrmaı ketip, biraz áýrege salǵan.
