Kezdesýde Qazaqstannyń Tuńǵysh Prezıdentine partııanyń «О́zgerister joly: Ár azamatqa laıyqty ómir!» saılaýaldy baǵdarlamasyn oryndaýǵa baǵyttalǵan Jol kartasyn júzege asyrý boıynsha josparlanǵan sharalar týraly baıandaldy.
Sondaı-aq Elbasyǵa jahandyq pandemııa saldarynan týyndaǵan daǵdarys jaǵdaıynda ulttyq ekonomıkanyń turaqtylyǵyn saqtaý úshin atqarylyp jatqan jumystar jóninde málimet berildi.
– Úkimet aldynda ekonomıkanyń 3 paıyzdan artyq ósimin qamtamasyz etý mindeti tur. Búginde óńdeý ónerkásibi, qurylys jáne aýyl sharýashylyǵy negizgi draıverler bolyp sanalady. Qyzmet kórsetý sektory qalpyna kele bastady. Kásipkerlik sýbektilerin qoldaý úshin iskerlik belsendilikti yntalandyrý sharalary úsh baǵytta júrgiziledi. Ol – qarjylandyrýdyń qoljetimdiligin qamtamasyz etý, bızneske túsetin aýyrtpalyqty azaıtý jáne ótkizý naryqtarynyń qoljetimdiligin keńeıtý, – dedi Asqar Mamın.
Sonymen qatar kezdesý barysynda ulttyq ekonomıkaǵa ınvestısııa tartý jumysynyń mańyzy atap ótildi.
