«Spýtnık V» vaksınasyn alǵashqylardyń qatarynda alǵandardyń arasynda oblystyq bilim basqarmasy basshysynyń orynbasary Aınagúl Dúısekenova, Atyraý qalasyndaǵy №16 Qarajigitov atyndaǵy orta mekteptiń dırektory Almabek Abdolov, № 20 Pýshkın atyndaǵy orta mektep-lıseıiniń dırektory Gúlnar Qojahmetova, Atyraý qalalyq bilim bólimi basshysynyń orynbasary Qaırat Qýanyshev pen IT mektep-lıseıi dırektorynyń orynbasary Aıgúl Seıitova bar.
«Kez kelgen indetten qorǵanýdyń, aldyn alýdyń joly – vaksına saldyrý. Buǵan deıin oblystyq densaýlyq saqtaý basqarmasy men emhanalardyń dárigerleri koronavırýs ınfeksııasyna qarsy ekpeniń paıdasy men áseri týraly aqparattar berdi. Mundaı vaksına qaýipti vırýstan qorǵaıdy. Ekpe alǵan soń qorqynyshsyz júrýge bolady. О́zimniń saýlyǵym, jaqyndarymnyń amandyǵy úshin vaksına aldym», deıdi oblystyq bilim berý basqarmasy basshysynyń orynbasary Aınagúl Dúısekenova.
Qazir óńirdiń bilim berý salasynda 11 myńnan astam adam jumys isteıdi. Solardyń qataryndaǵy №16 Qarajigitov atyndaǵy orta mekteptiń dırektory Almabek Abdolov vaksına saldyrýdan qorqytýdyń qajeti joq dep esepteıdi.
«Muǵalimder eldiń keleshektegi órkendeýine úles qosatyn jas býyn ókilderimen tyǵyz baılanys jasaıdy. Sol sebepten, «Spýtnık V» vaksınasyn erikti túrde saldyrýǵa bekindim. О́ıtkeni, birinshiden, ózimniń de, jaqyndarymnyń da saýlyǵyn oıladym. Ekinshiden, mektep oqýshylaryn qaýipti vırýstan qorǵaýymyz kerek. Al, vaksına saldyrǵannan keıin janama áserin baıqamadym», deıdi Almabek Abdolov.
