Sonyń ishinde Jambyl aýdany Maıbalyq aýylynan jaǵdaıy aýyrlap ketken qart ana shuǵyl túrde aýrýhanaǵa jetkizildi. Dúleı borandardan keıin jabylyp qalǵan joldardy arshýǵa «Atameken – Agro» JShS qýatty K-701 traktory kiristi. «Nıva» avtokóligimen shyqqan aýdandyq tótenshe jaǵdaılar bóliminiń bastyǵy, azamattyq qorǵaý podpolkovnıgi Seıilbek Smaıylov bastaǵan qutqarý toby 2 saǵat ishinde aýylǵa jetip, kelesi kúni ǵana áıeldi aýdandyq aýrýhanaǵa jetkize aldy. Qazir ol ózin jaqsy sezinedi, ómirine qaýip tónip turǵan joq.
Kelesi kúni osy qutqarý toby aýdan ortalyǵynan 47 km jerde ornalasqan Sábıt aýylynan 2 áıeldi kóp qıynshylyqtarmen aýrýhanaǵa jetkizdi.
Osyndaı qareket Aqjar aýdany Talshyq aýdan ortalyǵynyń TJ bólimnde de boldy. № 8 órt sóndirý bóliminiń qyzmetkerleri 25 jastaǵy bosanatyn áıeldi 77 shaqyrym qashyqtyqtan alyp kelip, aýdandyq aýrýhanaǵa tabys etti. Qazir Aıjan esimdi qutqarylǵan áıeldiń jaǵdaıy turaqty. Ol qıyn sátten ózin alyp shyqqandarǵa alǵysyn bildirýde.
Soltústik Qazaqstan oblysy
